Libri i katërt i Musës 33
1 Qito jonë vendet ku kanë ndalë izraelitët gjatë udhës, kur kanë dalë pi Egjiptit të ndamë në grupe, nën udhëheqjen e Moisiut edhe Aaronit.
2 Moisiu, me urdhër të Jehovës, i ka shkru vendet pi ku jonë nisë për secilën pjesë të udhës. Qito jonë vendet pi ku jonë nisë edhe ku kanë shku gjatë udhës:
3 Ditën e 15-të të mujit të parë, ata janë nisë pi Ramsesi. Pikërisht të nesërmen mas Pashkës, izraelitët kanë dalë me plot guxim para syve të krejt egjiptianëve.
4 Në atë kohë, egjiptianët po i varrosshin krejt të parëlindunit që Jehova ua kishte vra, sepse Jehova e kishte zbatu gjykimin kundër zotave të tyne.
5 Izraelitët janë nisë pi Ramsesi edhe kanë ngritë kampin në Sukot.
6 Masanej janë nisë pi Sukoti edhe kanë ngritë kampin në Etam, në skaj të shkretinës.
7 Masanej janë nisë pi Etami edhe janë kthy në drejtim të Pihahirotit, që shihet pi Baal-Zefoni, edhe kanë ngritë kampin përballë Migdolit.
8 Masanej janë nisë pi Pihahiroti edhe kanë kalu nëpër mes të detit për me shku në shkretinë. Kanë ecë tri ditë udhë në shkretinën e Etamit edhe kanë ngritë kampin në Mara.
9 Masanej janë nisë pi Mara edhe kanë ardhë në Elim. Në Elim ka pasë dymbëdhjetë burime uji edhe 70 palma, kështu që kanë ngritë kampin aty.
10 Masanej janë nisë pi Elimi edhe kanë ngritë kampin te Deti i Kuq.
11 Masanej janë nisë pi Deti i Kuq edhe kanë ngritë kampin në shkretinën e Sinit.
12 Pi shkretina e Sinit kanë vazhdu udhën për në Dofka.
13 Ma vonë janë nisë pi Dofka edhe kanë ngritë kampin në Alush.
14 Masanej janë nisë pi Alushi edhe kanë ngritë kampin në Refidim, ku s’ka pasë ujë për me pi për popullin.
15 Masanej janë nisë pi Refidimi edhe kanë ngritë kampin në shkretinën e Sinait.
16 Janë nisë pi shkretina e Sinait edhe kanë ngritë kampin në Kibrot-Hataava.
17 Mas Kibrot-Hataavës, kanë ngritë kampin në Hazerot.
18 Masanej janë nisë pi Hazeroti edhe kanë ngritë kampin në Ritma.
19 Masanej janë nisë pi Ritma edhe kanë ngritë kampin në Rimon-Perez.
20 Mas që janë nisë pi Rimon-Perezi, kanë ngritë kampin në Libna.
21 Janë nisë pi Libna edhe kanë ngritë kampin në Risa.
22 Masanej janë nisë pi Risa edhe kanë ngritë kampin në Kehelata.
23 Masanej janë nisë pi Kehelata edhe kanë ngritë kampin te mali Shefer.
24 Pi mali Shefer kanë vazhdu udhën për në Harada.
25 Mas që janë nisë pi Harada, kanë ngritë kampin në Mahelot.
26 Mas Mahelotit, kampin tjetër e kanë ngritë në Tahat.
27 Masanej janë nisë pi Tahati edhe kanë ngritë kampin në Terah.
28 Pi Terahu kanë shku në Mitka.
29 Ma vonë janë nisë pi Mitka edhe kanë ngritë kampin në Hashmona.
30 Masanej janë nisë pi Hashmona edhe kanë ngritë kampin në Moserot.
31 Masanej janë nisë pi Moseroti edhe kanë ngritë kampin në Bene-Jaakan.
32 Pi Bene-Jaakani kanë vazhdu udhën për në Hor-Hagidgad.
33 Masanej janë nisë pi Hor-Hagidgadi edhe kanë ngritë kampin në Jotbata.
34 Ma vonë janë nisë pi Jotbata edhe kanë ngritë kampin në Abrona.
35 Masanej janë nisë pi Abrona edhe kanë ngritë kampin në Ezjon-Geber.
36 Masanej janë nisë pi Ezjon-Geberi edhe kanë ngritë kampin në shkretinën e Zinit, domethanë në Kadesh.
37 Pi Kadeshi kanë vazhdu udhën për te mali Hor, në kufi të vendit të Edomit.
38 Masanej, Aaroni, prifti, me urdhër të Jehovës, ka hyp në malin Hor edhe ka vdek aty. Kjo ka ndodhë në vitin e 40-të mas daljes së izraelitëve pi Egjiptit, ditën e parë të mujit të pestë.
39 Aaroni i ka pasë 123 vjet kur ka vdek në malin Hor.
40 Mbreti i Aradit, që u konë kananit edhe ka jetu në Negeb, në vendin e Kanaanit, ka ni që izraelitët po vijshin.
41 Masanej janë nisë pi mali Hor edhe kanë ngritë kampin në Zalmona.
42 Masanej janë nisë pi Zalmona edhe kanë ngritë kampin në Punon.
43 Masanej janë nisë pi Punoni edhe kanë ngritë kampin në Obot.
44 Mas që janë nisë pi Oboti, kanë ngritë kampin në Ije-Abarim, në kufi të Moabit.
45 Ma vonë janë nisë pi Ijimi edhe kanë ngritë kampin në Dibon-Gad.
46 Pi Dibon-Gadi kanë vazhdu udhën edhe kampin tjetër e kanë ngritë në Almon-Diblatajim.
47 Masanej janë nisë pi Almon-Diblatajimi edhe kanë ngritë kampin në malet e Abarimit, përballë Nebos.
48 Në fund janë nisë pi malet e Abarimit edhe kanë ngritë kampin në rrafshinat e shkretinës së Moabit, te lumi Jordan, afër Jerikos.
49 Kanë nejtë te Jordani, në rrafshinat e shkretinës së Moabit, edhe e kanë pasë kampin pi Beth-Jeshimoti deri në Abel-Shitim.
50 Në rrafshinat e shkretinës së Moabit, te Jordani afër Jerikos, Jehova i ka thanë Moisiut:
51 “Folju izraelitëve edhe thuju: ‘Tash po e kaloni Jordanin për me hy në vendin e Kanaanit.
52 Dëboni krejt banorët e atij vendi. Shkatërroni krejt figurat e tyne pi guri edhe krejt statujat e tyne pi metali, edhe rrënojini krejt vendet e tyne të nalta ku bajnë adhurim.
53 Merreni atë vend për veti edhe banoni aty. Unë pa tjetër kam me jua dhanë atë tokë si pronë.
54 Ndajeni tokën me short mes familjeve të juve, që secila me e marrë pjesën e vet si pronë. Grupet ma të mdhaja kanë me marrë trashëgimi ma të madhe, e grupet ma të vogla kanë me marrë ma të vogël. Secili ka me e pasë trashëgiminë aty ku i bjen shorti. Keni me e marrë tokën si trashëgimi simas fiseve të baballarëve të juve.
55 Po nëse nuk i dëboni banorët e atij vendi, atëher ata që i leni me jetu aty kanë me ju bo si gjemba në sy edhe si therra në anën e trupit, edhe kanë me ju mundu vazhdimisht në vendin ku banoni.
56 Edhe unë kam me ju ba juve atë që e pata ndërmend me ua ba atyne.’”