Letra e parë e Shembujve 5
1 Këta jonë djemtë e Rubenit. Aj u konë djali i parë i Izraelit, po se e ka flliqë shtratin e babës së vet, e drejta që e ka pasë si djali i parë iu dha djemve të Jozefit, djalit të Izraelit. Për qata, në listën e prejardhjes, Rubeni s'u shënu simas të drejtës së djalit të parë.
2 Juda u konë ma i fortë se vllaznit e vet, edhe pi tij ka me dalë prijësi, po prapë Jozefi e ka marrë të drejtën e djalit të parë.
3 Djemtë e Rubenit, djalit të parë të Izraelit, jonë konë Hanoku, Palu, Hezroni edhe Karmi.
4 Pasardhësit e Joelit jonë konë djali i tij Shemaja, djali i Shemajës Gogu, djali i Gogut Shimei,
5 djali i Shimeit Mika, djali i Mikës Reaja, djali i Reajës Baali,
6 edhe djali i Baalit Beera, që u konë prijës i rubenitëve. Mbreti i Asirisë, Tilgat-Pilneseri, e ka marrë rob edhe e ka çu larg.
7 Vllaznit e tij, të renditun simas familjeve edhe pasardhësve të tyne në listën e prejardhjes, jonë konë Jeieli, që u konë kryetari, Zakarja
8 edhe Bela (djali i Azazit, që u konë djali i Shemës, e Shema djali i Joelit). Bela ka jetu në territorin që shtrihej pi Aroeri deri në Nebo edhe Baal-Meon.
9 Kah lindja, territori i tij shkonte deri te skaji i shkretinës që shtrihet deri te lumi Eufrat, se tufat e tij ishin shtu shumë në vendin e Gileadit.
10 Në kohën e Saulit, ata kanë luftu kundër hagritëve edhe i kanë mundë. Për qata, masanej kanë jetu në tendat e tyne, në krejt territorin në lindje të Gileadit.
11 Pasardhësit e Gadit kanë jetu afër tyne, në vendin e Bashanit, deri në Salka.
12 Në Bashan, prijësi kryesor u konë Joeli, i dyti u konë Shafami, e mas tyne kanë ardhë Janai edhe Shafati.
13 Vllaznit e tyne, bashkë me familjet e tyne të mëdhaja, jonë konë Mikaeli, Meshulami, Sheba, Jorai, Jakani, Zia edhe Eberi. Krejt bashkë jonë konë shtatë.
14 Këta jonë konë djemtë e Abihajilit (djalit të Hurit, që u konë djali i Jaroahut, e Jaroahu djali i Gileadit, Gileadi djali i Mikaelit, Mikaeli djali i Jeshishait, Jeshishai djali i Jahdos, e Jahdo djali i Buzit).
15 Kryetari i familjes së madhe të tyne u konë Ahi, djali i Abdielit, që u konë djali i Gunit.
16 Ata kanë jetu në Gilead, në Bashan edhe në fshatrat që i takojshin Bashanit, po edhe në krejt kullosat e Sharonit, deri ku shtriheshin ato.
17 Prejardhja e tyne u shënu në kohën e Jotamit, mbretit të Judës, edhe në kohën e Jeroboamit, mbretit të Izraelit.
18 Rubenitët, gaditët edhe gjysma e fisit të Manaseut i kanë pasë në ushtrinë e tyne 44 760 luftëtarë të fortë e me përvojë në luftë, që mbajshin mburoja e shpata edhe ishin të armatosun me harqe.
19 Ata kanë luftu kundër hagritëve, Jeturit, Nafishit edhe Nodabit.
20 Në këtë luftë kanë marrë ndihmë, se e kanë thirrë Zotin me ju ndihmu, e aj ua ka ni lutjen që ia kanë bo me gjithë zemër, se i kanë besu atij. Kështu, Zoti ua ka dhanë në dorë hagritët, bashkë me krejt ata që ishin me ta.
21 Ata ua kanë marrë tufat e kafshëve: 50 000 deve, 250 000 dele edhe 2 000 gomarë. I kanë marrë rob edhe 100 000 njerëz.
22 Shumë veta jonë vra në atë luftë, se Zoti i vërtetë e ka udhëheqë luftën. Masanej ata janë vendosë aty në vend të tyne edhe kanë jetu atje deri në kohën kur u morën rob e u çunë larg.
23 Pasardhësit e gjysmës së fisit të Manaseut kanë jetu në territorin që shtrihej pi Bashani deri në Baal-Hermon, deri në Senir edhe në malin Hermon. Ata jonë konë shumë në numër.
24 Kryetarët e familjeve të tyne të mëdhaja jonë konë: Eferi, Jishi, Elieli, Azrieli, Jeremia, Hodavja edhe Jahdieli. Këta jonë konë luftëtarë të fortë, burra me emën të mirë edhe kryetarë të familjeve të tyne të mëdhaja.
25 Po ata s'i kanë mbetë besnikë Zotit të të parëve të vet. Kanë shku mas zotave të popujve të atij vendi, si njerz që jepen mas prostitucionit. Këta popuj Zoti i kishte shkatërru kur izraelitët e morën atë vend.
26 Për qata, Zoti i Izraelit e ka shty mbretin e Asirisë, Pulin (domethanë mbretin Tilgat-Pilneser të Asirisë), me i marrë rob rubenitët, gaditët edhe gjysmën e fisit të Manaseut. Aj i ka çu në Halah, Habor, Hara edhe te lumi Gozan, ku jonë edhe sot.