Letra e parë e Shembujve 6
1 Djemtë e Levit jonë konë Gershoni, Kehati edhe Merari.
2 Djemtë e Kehatit jonë konë Amrami, Jizhari, Hebroni edhe Uzieli.
3 Fëmijët e Amramit jonë konë Aaroni, Moisiu edhe Mirjami. Djemtë e Aaronit jonë konë Nadabi, Abihu, Eleazari edhe Itamari.
4 Eleazari u bo babë i Pinehasit, e Pinehasi u bo babë i Abishuas.
5 Abishua u bo babë i Bukit, e Buki u bo babë i Uzit.
6 Uzi u bo babë i Zerahjës, e Zerahja u bo babë i Merajotit.
7 Merajoti u bo babë i Amarjës, e Amarja u bo babë i Ahitubit.
8 Ahitubi u bo babë i Zadokut, e Zadoku u bo babë i Ahimaazit.
9 Ahimaazi u bo babë i Azarisë, e Azaria u bo babë i Johananit.
10 Johanani u bo babë i Azarisë. Azaria ka shërby si prift në shpinë që e ka ndërtu Salomoni në Jerusalem.
11 Azaria u bo babë i Amarjës, e Amarja u bo babë i Ahitubit.
12 Ahitubi u bo babë i Zadokut, e Zadoku u bo babë i Shalumit.
13 Shalumi u bo babë i Hilkisë, e Hilkia u bo babë i Azarisë.
14 Azaria u bo babë i Serajës, e Seraja u bo babë i Jozadakut.
15 Jozadaku u mor rob edhe u çu larg, kur Jehovai ka bo që banorët e Judës edhe të Jerusalemit me u marrë rob e me u çu larg pi Nebukadnezari.
16 Djemtë e Levit jonë konë Gershomi, Kehati edhe Merari.
17 Djemtë e Gershomit i kanë pasë emnat Libni edhe Shimei.
18 Djemtë e Kehatit jonë konë Amrami, Jizhari, Hebroni edhe Uzieli.
19 Djemtë e Merarit jonë konë Mahli edhe Mushi.
Tash vijnë familjet e levitëve simas të parëve të tyne:
20 Pi Gershomi: djali i tij Libni, djali i Libnit Jahati, djali i Jahatit Zima,
21 djali i Zimës Joahu, djali i Joahut Ido, djali i Idos Zerahu, e djali i Zerahut Jeatrai.
22 Djemtë e Kehatit jonë konë djali i tij Aminadabi, djali i Aminadabit Korahu, djali i Korahut Asiri,
23 djali i Asirit Elkana, djali i Elkanës Ebjasafi, djali i Ebjasafit Asiri,
24 djali i Asirit Tahati, djali i Tahatit Urieli, djali i Urielit Uzija, e djali i Uzijës Shauli.
25 Djemtë e Elkanës jonë konë Amasai edhe Ahimoti.
26 Sa i përket Elkanës, pasardhësit e tij jonë konë djali i tij Zofai, djali i Zofait Nahati,
27 djali i Nahatit Eliabi, djali i Eliabit Jerohami, e djali i Jerohamit Elkana.
28 Djemtë e Samuelit jonë konë: djali i parë Joeli, e i dyti Abija.
29 Pasardhësit e Merarit jonë konë Mahli, djali i Mahlit Libni, djali i Libnit Shimei, djali i Shimeit Uza,
30 djali i Uzës Shimea, djali i Shimeas Hagija, e djali i Hagijës Asaja.
31 Këta jonë burrat që Davidi i ka caktu me udhëheqë këndimin në shpinë e Jehovait, masi arka e besëlidhjes e ka gjetë aty vendin ku me pushu.
32 Ata e kanë pasë për detyrë me u kujdesë për këndimin te tabernakulli, tenda e takimit, deri sa Salomoni e ka ndërtu shpinë e Jehovait në Jerusalem. Ata e kanë kry shërbimin e vet qysh u konë e caktume.
33 Këtë shërbim e kanë kry këta burra bashkë me djemtë e tyne: Pi kehatitët u konë këngëtari Heman (djali i Joelit, djali i Samuelit,
34 djali i Elkanës, djali i Jerohamit, djali i Elielit, djali i Toahut,
35 djali i Zufit, djali i Elkanës, djali i Mahatit, djali i Amasait,
36 djali i Elkanës, djali i Joelit, djali i Azarisë, djali i Zefanjës,
37 djali i Tahatit, djali i Asirit, djali i Ebjasafit, djali i Korahut,
38 djali i Jizharit, djali i Kehatit, djali i Levit, djali i Izraelit).
39 Vllau i tij Asafi rrike në anën e djathtë të tij. Asafi u konë djali i Berekjës (djalit të Shimeas,
40 djalit të Mikaelit, djalit të Baasejës, djalit të Malkijës,
41 djalit të Etnit, djalit të Zerahut, djalit të Adajës,
42 djalit të Etanit, djalit të Zimës, djalit të Shimeit,
43 djalit të Jahatit, djalit të Gershomit, djalit të Levit).
44 Pasardhësit e Merarit, vllaznit e tyne, rrishin në anën e majtë. Në mesin e tyne u konë Etani (djali i Kishit, djalit të Abdit, djalit të Malukut,
45 djalit të Hashabjës, djalit të Amazjës, djalit të Hilkisë,
46 djalit të Amzit, djalit të Banit, djalit të Shemerit,
47 djalit të Mahlit, djalit të Mushit, djalit të Merarit, djalit të Levit).
48 Vllaznit e tyne, levitët, jonë konë të caktum me i kry krejt punët e shërbimit në tabernakull, në shpinë e Zotit të vërtetë.
49 Aaroni edhe djemtë e tij i kanë djegë kurbanet mbi altarin e kurbaneve që digjeshin krejt edhe mbi altarin e temjanit, që tymi i tyne me u ngritë. Ata i kanë kry krejt detyrat që kishin të bajnë me gjanat ma të shenjta, për me i shly gjynahet e Izraelit. Krejt këto i kanë bo qysh i ka urdhëru Moisiu, shërbëtori i Zotit të vërtetë.
50 Këta jonë konë pasardhësit e Aaronit: djali i tij Eleazari, djali i Eleazarit Pinehasi, djali i Pinehasit Abishua,
51 djali i Abishuas Buki, djali i Bukit Uzi, djali i Uzit Zerahja,
52 djali i Zerahjës Merajoti, djali i Merajotit Amarja, djali i Amarjës Ahitubi,
53 djali i Ahitubit Zadoku, e djali i Zadokut Ahimaazi.
54 Këto jonë vendbanimet e tyne, vendet ku i kanë ngritë kampet në territorin e vet: Meqë shorti i parë u ra pasardhësve të Aaronit, që i takojshin familjes së kehatitëve,
55 ata e kanë marrë Hebronin në vendin e Judës, bashkë me kullosat përreth tij.
56 Po arat e qytetit edhe vendbanimet që i takojshin atij ua kanë dhanë Kalebit, djalit të Jefunes.
57 Pasardhësve të Aaronit ua kanë dhanë qytetet e strehimit, Hebronin, po edhe Libnën me kullosat e saj, Jatirin, Eshtemoan me kullosat e saj,
58 Hilenin me kullosat e tij, Debirin me kullosat e tij,
59 Ashanin me kullosat e tij edhe Bet-Shemeshin me kullosat e tij.
60 Pi fisi i Benjaminit ua kanë dhanë Gebën me kullosat e saj, Alemetin me kullosat e tij edhe Anatotin me kullosat e tij. Krejt bashkë, familjet e tyne i kanë marrë 13 qytete.
61 Kehatitëve tjerë ua kanë caktu 10 qytete pi familja e gjysmës së fisit të Manaseut.
62 Gershomitëve, simas familjeve të tyne, ua kanë nda 13 qytete pi fisi i Isakarit, pi fisi i Asherit, pi fisi i Naftalit edhe pi fisi i Manaseut në Bashan.
63 Meraritëve, simas familjeve të tyne, ua kanë nda me short 12 qytete pi fisi i Rubenit, pi fisi i Gadit edhe pi fisi i Zebulonit.
64 Këto qytete, bashkë me kullosat që u takojshin, izraelitët ua kanë dhanë levitëve.
65 Qytetet që u përmendën me emën, pi fisi i Judës, pi fisi i Simeonit edhe pi fisi i Benjaminit, ua kanë caktu me short.
66 Disa familje të kehatitëve i kanë pasë si territor të vetin qytete pi fisi i Efraimit.
67 Ua kanë dhanë qytetet e strehimit, Sikemin me kullosat e tij në malësinë e Efraimit, Gezerin me kullosat e tij,
68 Jokmeamin me kullosat e tij, Bet-Horonin me kullosat e tij,
69 Ajalonin me kullosat e tij edhe Gat-Rimonin me kullosat e tij.
70 Familjeve tjera të kehatitëve ua kanë dhanë Anerin me kullosat e tij edhe Bileamin me kullosat e tij, pi gjysma e fisit të Manaseut.
71 Gershomitëve ua kanë dhanë, pi familja e gjysmës së fisit të Manaseut: Golanin në Bashan me kullosat e tij edhe Ashtarotin me kullosat e tij.
72 Pi fisi i Isakarit: Kedeshi me kullosat e tij, Daberati me kullosat e tij,
73 Ramoti me kullosat e tij edhe Anemi me kullosat e tij.
74 Pi fisi i Asherit: Mashali me kullosat e tij, Abdoni me kullosat e tij,
75 Hukoku me kullosat e tij edhe Rehobi me kullosat e tij.
76 Pi fisi i Naftalit: Kedeshi në Galile me kullosat e tij, Hamoni me kullosat e tij edhe Kirjataimi me kullosat e tij.
77 Meraritëve tjerë ua kanë dhanë, pi fisi i Zebulonit: Rimonon me kullosat e tij edhe Taborin me kullosat e tij.
78 Pi fisi i Rubenit ua kanë dhanë, në zonën e Jordanit afër Jerihos, në lindje të lumit Jordan: Bezerin në shkretinë me kullosat e tij, Jahazin me kullosat e tij,
79 Kedemotin me kullosat e tij edhe Mefaatin me kullosat e tij.
80 Pi fisi i Gadit: Ramoti në Gilead me kullosat e tij, Mahanaimi me kullosat e tij,
81 Heshboni me kullosat e tij edhe Jazeri me kullosat e tij.