Letra e dytë e Shembujve 1
1 Salomoni, djali i Davidit, e ka forcu gjithnjë e ma shumë sundimin e vet si mbret. Jehova, Zoti i tij, u konë me të edhe e ka bo jashtëzakonisht të fuqishëm.
2 Salomoni i ka thirrë krejt udhëheqësit e Izraelit, krerët e mijësheve edhe të qindësheve, gjykatësit, krejt prijësit e Izraelit edhe kryetarët e familjeve të mëdhaja.
3 Masanej Salomoni ka shku bashkë me krejt ata që u mblodhën, në vendin e naltë afër Gibeonit, se aty u konë tenda e takimit e Zotit të vërtetë, që e ka punu Moisiu, shërbëtori i Jehovës, në shkretinë.
4 Po Davidi e kishte marrë arkën e besëlidhjes së Zotit të vërtetë pi Kirjath-Jearimi edhe e kishte çu në vendin që e kishte përgatitë për të. Në Jerusalem e kishte ngritë nji tendë për atë arkë.
5 Altari pi bakri, që e kishte punu Bezaleli, djali i Urit, që u konë djali i Hurit, u konë përpara tendës së shenjtë të Jehovës. Aty Salomoni edhe populli zakonisht mblidheshin me u lutë.
6 Atëherë Salomoni ka ofru kurbane aty përpara Jehovës. Në altarin pi bakri, që u konë te tenda e takimit, i ka ofru 1000 kurbane që digjeshin krejt.
7 Atë natë Zoti iu ka shfaqë Salomonit edhe e ka vetë: “Qka po dëshiron? Qka me të dhanë?”
8 Salomoni i ka thanë Zotit: “Ti i ke kallxu babës tem Davidit dashni të madhe e besnike, edhe më ke bo mu mbret në vend të tij.
9 O Jehova Zot, tash le të dalë e vërtetë fjala që ia ke premtu babës tem Davidit, se ti më ke bo mbret mbi nji popull që asht aq i shumtë sa pluhni i tokës.
10 Të lutna, më jep mençuri edhe dije, që me mujtë me i prijë këtij populli. Se kush munet me e gjyku me drejtësi këtë popull kaq të madh që asht i yti?”
11 Atëherë Zoti i ka thanë Salomonit: “Ti s’ke lypë mirëqenie, pasuni, as nder, as me dekë ata që të urrejnë. As jetë të gjatë s’ke lypë për veti, po ke lypë mençuri edhe dije, që me mujtë me e gjyku me drejtësi popullin tem, mbi të cilin të kom bo mbret. Meqë këtë e ke pasë dëshirë në zemër,
12 kam me të dhanë mençuri edhe dije. Po kam me të dhanë edhe mirëqenie, pasuni e nder, aq sa s’i ka pasë asnji mbret para teje, e asnji mbret mas teje s’ka me i pasë.”
13 Masanej Salomoni u kthy pi vendit të naltë afër Gibeonit, ku u konë tenda e takimit, edhe ka shku në Jerusalem. Aty ka sundu mbi Izraelin.
14 Salomoni ka vazhdu me mbledhë gjithnjë e ma shumë qerre edhe kuaj. Aj i ka pasë 1400 qerre edhe 12 000 kuaj, që i mbajke në qytetet e qerreve edhe afër vetes në Jerusalem.
15 Në kohën kur aj u konë mbret, në Jerusalem ka pasë aq shumë argjend e dukat sa gurë, edhe aq shumë dru cedri sa druj të fikut të egër në Shefelë.
16 Kuajt e Salomonit i kanë pru pi Egjiptit. Tregtarët e mbretit i kanë ble kuajt në grupe të mëdhaja, me nji çmim të caktum.
17 Nji qerre pi Egjiptit kushtojke 600 copa argjendi, kurse nji kalë 150 copa argjendi. Masanej ata ua shitshin këto qerre edhe kuaj mbretërve të hititëve edhe mbretërve të Sirisë.