Kangë t'shejta 44
1 O Zot, me veshët tonë e kemi
ni vetë, të parët tanë na kanë tregu
për këtë: për punët që i ke
ba ti n'kohën e tyne, shumë moti.
2 Me dorën tane i ke përzanë popujt edhe n'vend
të tyne i ke vendosë të parët tanë.
Ti i ke shkatërru popujt edhe i ke përzanë.
3 Ata s'e kanë marrë tokën me shpatën e vet,
as krahu i vet s'ua ka pru fitoren. Jo,
po dora jote e djathtë, krahu yt edhe shkëlqimi
i ftyrës tane, se ti je gëzu me ta.
4 Ti je mbreti jem, o Zot.
Urdhno që Jakobi me fitu krejt.
5 Me fuqinë tane kemi me i shty mbrapa kundërshtarët tonë.
N'emnin tand kemi me i shkelë për tokë armiqtë tonë.
6 Unë s'i besoj harkut tem, edhe
shpata jeme s'munet me m'shpëtu.
7 Ti je aj që na ke shpëtu pi kundërshtarëve
tonë, që i ke poshtnu ata që na urrejnë.
8 Krejt ditën kemi me folë me gëzim për Zotin, po, emnin tand kemi me e lavdëru përgjithmonë.
Sela
9 Po tash ti na ke braktisë edhe na ke
poshtnu, edhe s'po del ma bashkë me ushtritë tona.
10 Ti vazhdimisht po na bon me u tërhjekë para kundërshtarit tonë.
Ata që na urrejnë po marrin çka t'dojnë.
11 Ti na ke dorëzu që me na përpi si delet.
Na ke shpërnda n'mes të popujve.
12 Ti po e shet popullin tand për gati kurgjo.
As s'po fiton kurgjo pi asaj shitjeje.
13 Ti na ke ba për hajgare para kojshive tonë, pi
krejt anëve po na tallin e po na keshin.
14 Ti na ke ba për tallje n'mes të kombeve,
e popujt po e tundin kryt për neve.
15 Krejt ditën po ndihem i
poshtnum, marrja po m'randon shumë,
16 se po i ni talljet edhe ofendimet e
tyne, se armiku jonë po merr hak.
17 Krejt këto na kanë ndodhë, po na s'të kemi harru, edhe
besën që e kemi lidhë me ty s'e kemi thy.
18 Zemra jonë s'asht largu pi teje.
Hapat tonë s'jonë largu pi rrugës tane.
19 Po ti na ke shkatërru atje ku rrinë çakajt.
Na ke mbulu me hije të thellë.
20 Nëse na e kemi harru emnin e Zotit tonë, ose
nëse i kemi shtri duart n'lutje drejt nji zoti t'huj,
21 a s'ka me e marrë vesh Zoti këtë?
Aj i din krejt të fshehtat e zemrës.
22 Për shkakun tand po na vrasin tanë kohën.
Na shohin si dele për therje.
23 Çohu! Pse po vazhdon me flejtë, o
Jehova? Zgjohu! Mos na braktis përgjithmonë.
24 Pse po e mshef ftyrën tane?
Pse po e harron mërzinë tonë edhe shtypjen që po na bojnë?
25 Na kanë hedhë n'pluhun.
Trupat tonë jonë shtri për tokë, t'shtypun.
26 Çohu e na ndihmo!
Na çliro me dashninë tane besnike.