Kangë t'shejta 50
1 Zoti i zotave, Jehovai, ka folë.
Aj po e thërret tokën
te vetja, pi lindjes deri n'perëndim.
2 Pi Sionit, që asht vendi ma i bukur, Zoti po shndrit.
3 Zoti jonë ka me ardhë edhe s'ka me nejtë
pa folë. Para tij asht nji zjarr që djeg gjithçka,
e rreth tij po fryn nji stuhi e fortë.
4 Aj po e thërret qiellin nalt edhe tokën,
që me e gjyku popullin e vet:
5 «Mblidhni te unë ata që m'rrinë besnikë,
që përmes kurbanit lidhin besë me mu.»
6 Qielli po e shpall drejtësinë e tij, se vetë Zoti asht Gjykatësi.
Sela
7 «Ngom, populli jem, se kom me folë.
Izrael, kom me dëshmu kundër teje.
Unë jom Zoti, Zoti yt.
8 S'po t'qortoj për kurbanet tua, as për kurbanet tua
që digjen krejt, që i kom gjithmonë para vetes.
9 S'kom nevojë me marrë dem pi shpisë
tane, as dhi pi vathave tua.
10 Se krejt kafshët e egra të pyllit jonë të
miat, po edhe kafshët e egra n'1000 male.
11 Unë e njoh çdo zog të maleve.
T'mijat jonë edhe kafshët e panumërta të fushës.
12 Po t'isha i untë, s'kisha me t'thanë, se toka pjellore
edhe krejt çka ka n' të jonë të miat.
13 A kom me hangër unë mishin e
demave edhe me pi gjakun e dhive?
14 Jepja Zotit falënderimin si kurban, edhe mbaji premtimet
që ia ke dhanë ma të Naltit.
15 Thirrmë kur je n'hall.
Unë kom me t'çliru, e ti ki me m'dhanë lavdi.»
16 Po njeriut t'keq Zoti ka me i thanë: «Me
çfarë t'drejte po fol ti për rregullat e mia
ose po e përmend besën që e kom lidhë?
17 Se ti i urren këshillat edhe fjalët
e mia vazhdimisht i qet anash.
18 Kur e sheh nji hajn, ti ia përkrah punët që i bon, edhe
kohën e kalon me ata që e tradhtojnë burrin a grunë e vet.
19 Goja jote përhap veç t'këqija, edhe
mashtrimi t'rrin ngjitë për gjuhe.
20 Ti rrin e fol keq për vëllaun tand.
Gabimet e djalit të nanës tane ua tregon tjerëve.
21 Kur i ke ba krejt këto, unë kom heshtë.
Atëherë ti ke menu që edhe unë jom tamam
si ti. Po tash kom me t'qortu edhe
kom me ta qitë përpara akuzën teme kundër teje.
22 Ju që e harroni Zotin, ju lutna, merreni këtë me zemër, që
mos t'ju shqyej e mos me pasë kush me ju shpëtu.
23 Kush e jep falënderimin si kurban, m'jep lavdi. E
kush ecën n'rrugën që i asht caktu, atij
kom me ia tregu shpëtimin që vjen pi Zotit.»