Kangë t'shejta 84
1 Sa e bukur asht banesa jote
madhështore, o Jehova, Zot i ushtrive!
2 Krejt qenien teme e ka marrë malli për
oborret e Jehovës, përnime po tretem pi mallit.
Me zemrën teme edhe me krejt trupin tem
po brohoras me gëzim për Zotin e gjallë.
3 Edhe zogu e gjen aty nji shpi,
edhe dallëndyshja nji fole për veti,
ku kujdeset për zogjtë e vet, afër
altarit tand madhështor, o Jehova, Zot
i ushtrive, Mbreti jem edhe Zoti jem!
4 Lum ata që banojnë në shpinë tande!
Ata të lavdojnë pa nalë. Sela
5 Lum ata njerz që e gjejnë fuqinë te ti, që
me zemër jon të kthyem kah rrugët e mëdha.
6 Kur kalojnë nëpër luginën e Bakës, e
bojnë atë vend plot me burime uji. Edhe
shiu i hershëm e mbulon me bekime.
7 Tu ecë rrugës, ata marrin gjithnji e ma shumë fuqi.
Edhe në Sion secili del para Zotit.
8 O Jehova, Zot i ushtrive, ngoma lutjen.
Më ngo, o Zot i Jakobit. Sela
9 Kqyr, o mburoja jonë, o Zoti jonë,
kqyrja ftyrën atij që e ke mirosë.
10 Se ma mirë nji ditë në oborret tua se nji mijë
ditë dikun tjetër! Ma mirë me nejt te pragu i
shpisë së Zotit tem, sesa me banu në çadrat e ligësisë.
11 Se Jehova Zot asht diell edhe mburojë.
Aj jep mirësi edhe lavdi. Jehova s'ka
me ua mohu asnji të mirë
atyne që ecin në rrugën e ndershmnisë.
12 O Jehova, Zot i ushtrive, lum aj
njeri që ka besim te ti.