Kangë t'shejta 85
1 Ti i ke bo mirë vendit tand, o Jehova.
Ata të Jakobit që jonë konë rob, i ke kthy.
2 Ti ia ke falë fajet popullit tand.
Ia ke falë krejt mëkatet. Sela
3 Ti e ke nalë krejt idhnimin tand, edhe
je largu pi zemërimit tand të flaktë.
4 Na kthe prapë në gjendjen që e kena pasë ma herët, o
Perëndi që na shpëton, edhe mos rri ma i pakënaqun me neve.
5 A ka me zgjatë idhnimi yt me neve përgjithmonë?
A ka me u shtri zemërimi yt brez mas brezi?
6 A s'ka me na dhanë prapë jetë, që
populli yt me u gëzu për ty?
7 Na e trego dashninë tande besnike,
o Jehova, edhe na jep shpëtim.
8 Unë po e dëgjoj qka thotë Perëndia i vërtetë, Jehova, se aj
ka me i folë për paqe popullit të vet, atyne që i rrinë
besnikë, veç ata mos të bohen prapë tepër të sigurt në veti.
9 Pa dyshim, shpëtimi i tij asht afër atyne që kanë respekt të
madh për to, që lavdia e tij me banu në vendin tonë.
10 Dashnia besnike edhe besniknia kanë me u taku.
Drejtësia edhe paqja kanë me u puthë.
11 Besniknia ka me mbijë pi toka, e
drejtësia ka me kqyrë poshtë pi qielli.
12 Po, Jehova ka me dhanë të mira, edhe vendi
jonë ka me dhanë të korrat e veta.
13 Drejtësia ka me ecë përpara tij edhe ka
me ia çelë rrugën hapave të tij.