Kangë t'shejta 106
1 Lavdërojeni Jahun! Falënderojeni Jehovën, se
aj asht i mirë, dashnia
e tij besnike zgjat përgjithmonë.
2 Kush munet me i numëru krejt punët e fuqishme t'Jehovës
a me i kallxu krejt punët e tij t'lavdishme?
3 T'lumtun jonë ata që veprojnë me drejtësi, që
e bojnë gjithmonë atë që asht e drejtë.
4 Kujtom mu, o Jehova, kur ia tregon pëlqimin tand popullit tand.
M'ndihmo me punët e tua që sjellin shpëtim,
5 që edhe unë me e gëzu t'mirën që ua jep atyne që
i ke zgjedh, që me u gëzu bashkë me popullin tand,
që me t'lavdëru me krenari bashkë me ata që jonë trashëgimia jote.
6 Edhe na kemi bo mëkate, qysh kanë bo edhe t'parët tonë.
Kemi vepru gabim, kemi bo t'këqija.
7 T'parët tonë n'Egjipt s'i kanë çmu punët e tua t'mrekullueshme.
S'e kanë kujtu dashninë tane aq t'madhe e besnike, po
u çunë kundër teje te deti, te Deti i Kuq.
8 Po aj i shpëtoi për hatër t'emnit t'vet,
me e bo t'njohun fuqinë e vet.
9 Aj foli me fuqi, e Deti i Kuq u tha, i
çoi nëpër thellësitë e detit, sikur me kalu nëpër shkretinë.
10 I shpëtoi pi dorës së kundërshtarit t'tyne,
i mori prapë pi dora e armikut.
11 Uji i mbuloi kundërshtarët e tyne.
Asnji pi tyne s'mbeti gjallë.
12 Atëherë i besun premtimit t'tij.
Nisën me i këndu kangë.
13 Po shpejt i harrun punët e tij.
S'e pritën këshillën e tij.
14 Në vendin e egër iu lëshun dëshirave t'veta
egoiste, në shkretinë e vunë Zotin në provë.
15 Aj ua dha qka lypën, po masanej i
goditi me nji smundje që i ligshtoi.
16 N'kamp u bonë xhelozë ndaj Moisiut
edhe ndaj Aaronit, të shenjtit t'Jehovës.
17 Atëherë toka u çel e e përpiu Dathanin edhe
i mbuloi krejt ata që u mblodhën rreth Abiramit.
18 Nji zjarr u përhap nëpër grupin e
tyne, nji flakë i përpiu t'këqijtë.
19 N'Horeb e bonë nji viç, edhe u
përkulën para nji shtatoreje pi metali.
20 E ndërrun lavdinë teme me figurën
e nji demi që han bar.
21 E harrun Zotin, shpëtimtarin e tyne,
që ka bo punë t'mdha n'Egjipt,
22 punë t'mrekullueshme n'vendin e Hamit, edhe punë
që t'fusnin frikën te Deti i Kuq.
23 Veç sa s'e dha urdhnin me i shkatërru, po
Moisiu, që aj e ka zgjedh, ndërhyri te aj
për ta, me ia ndalë zemrimin e tij shkatërrues.
24 Masanej e përbuzën atë tokë aq t'mirë.
S'i besun premtimit t'tij.
25 Vazhduen tu u anku nëpër çadrat e tyne.
S'ia vunë veshin zanit t'Jehovës.
26 Prandaj aj e çoi dorën lart edhe u betu,
që ka me i lanë me vdekë n'shkretinë.
27 Ka me i lanë edhe pasardhësit e tyne me
vdekë mes popujve, ka me i shpërnda nëpër vende.
28 U bashkun me ata që e adhuronin Baalin e
Peorit edhe hangrën pi kurbaneve që u jepeshin t'vdekunve.
29 E zemrun Zotin me punët e tyne, edhe mes
tyne shpërtheu nji smundje e randë që u përhap.
30 Po kur Pinehasi u çu
e ndërhyri, smundja u ndal.
31 Kjo iu llogarit si drejtësi
brez mas brezi, përgjithmonë.
32 E zemrun Zotin te ujërat e Meribës
edhe Moisiun e futën në telashe.
33 E nervozun atë, edhe aj
foli pa mendu mirë.
34 S'i shfarosën popujt, qysh
ua ka urdhnu Jehova.
35 Përkundrazi, u përzien me ata popuj edhe
nisën me vepru qysh vepronin ata.
36 Vazhduen me iu shërby idhujve t'tyne, e
ata idhuj u bonë kurth për ta.
37 Ua bonë kurban djemtë edhe vajzat e veta shpirtnave t'këqij.
38 Pa u ndalë derdhën gjak t'pafajshëm, gjakun
e djemve edhe vajzave t'veta, që i bonë
kurban për idhujt e Kananit, edhe toka
u flliq pi gjaku që u derdh.
39 Me punët e tyne u bonë t'papastër, e
me sjelljen e tyne u dhanë mas kurvnisë.
40 Për qata Jehovës iu ndez zemrimi kundër popullit
t'vet, edhe n'fund iu neverit trashëgimia e vet.
41 Shumë herë i la në duert e popujve tjerë,
e ata që i urrenin sundun mbi ta.
42 Armiqtë e tyne i shtypën edhe
ata mbetën nën pushtetin e tyne.
43 Shumë herë aj i shpëtoi, po ata vazhduen me
u çu kundër tij e mos me e ngu,
edhe çdo herë u poshtërun për fajin e vet.
44 Po aj vazhdoi me e pa hallin e
tyne edhe me ua ni britmën për ndihmë.
45 Për hatër t'tyne, aj e kujtoi çdo herë besëlidhjen e vet, edhe pi
dashnisë së tij aq t'madhe e besnike i vike gjynah për ta.
46 Aj boni që t'iu vinte gjynah për
ta krejt atyne që i mbanin rob.
47 Na shpëto, o Jehova, Zoti jonë,
edhe na mblidh pi mesi i popujve,
që me e lavdëru emnin tand
t'shenjtë edhe me t'madhnu plot gëzim.
48 Qoftë i lavdërum Jehova, Zoti
i Izraelit, përgjithmonë e
jetës. E krejt populli le
t'thotë: «Amen!» Lavdërojeni Jahun!