Kangë t'shejta 147
1 Lavdnojeni Jahun!
Mirë asht me i këndu kangë Zotit tonë.
Sa bukur e sa me vend asht me e lavdnu!
2 Jehovai po e ndërton Jerusalemin.
Aj po i mbledh ata t'Izraelit që jonë shpërnda.
3 Aj i shëron ata që e kanë zemrën e thyme.
Ua lidh plagët.
4 Aj i numron yjet.
Secilin e thërret me emën.
5 Zoti jonë asht i madh e fuqia e tij asht e jashtëzakonshme.
Mendja e tij s'ka kufi.
6 Jehovai i çon n'kamë njerëzit e butë,
po t'këqijtë i përplas për tokë.
7 Këndoni kangë falënderimi për Jehovain.
Këndoni kangë lavdërimi për Zotin tonë me përcjellje t'harfës,
8 për atë që e mbulon qiellin me
re, që i jep shi tokës,
që e bon barin me mbijë n'male.
9 Aj u jep ushqim kafshëve, edhe
zogjve t'korbave që bërtasin për ushqim.
10 Fuqia e kalit s'i bon përshtypje.
As kamtë e forta t'nji burri s'e mahnitin.
11 Jehovai i don ata që kanë frikë e respekt për
të, ata që e presin dashninë e tij besnike.
12 Madhëroje Jehovain, o Jerusalem.
Lavdnoje Zotin tand, o Sion.
13 Aj i forcon shulat e portave tua.
I bekon djemtë e tu që jonë mrena teje.
14 Aj i jep paqe vendit tand.
T'ngop me grunin ma t'mirë.
15 Aj e çon urdhnin e vet n' tokë.
Fjala e tij shkon shpejt aty ku duhet.
16 Aj e lëshon borën si lesh.
E shpërndan brymën si hi.
17 Aj e gjuan breshnin e vet poshtë si copa buke.
Kush munet me e duru t'ftohtit e tij?
18 Aj jep urdhën e ato shkrihen.
E bon erën e vet me fry e uji rrjedh.
19 Aj ia tregon fjalët e veta Jakobit,
rregullat e vendimet e veta Izraelit.
20 Kështu s'ka vepru me asnji popull tjetër.
Ata s'dinë kurgjo për vendimet e tij.
Lavdnojeni Jahun!