Kangë t'shejta 148
1 Lavdërojeni Jahun!
Lavdërojeni Jehovën pi qiellit.
Lavdërojeni atje n'vendet e nalta.
2 Lavdërojeni, ju krejt engjëjt e tij.
Lavdërojeni, ju krejt ushtria e tij.
3 Lavdërojeni, o diell e hanë.
Lavdërojeni, ju krejt yjet që shkëlqeni.
4 Lavdërojeni, ju qiejt ma t'naltë, edhe ju
ujna t'mëdha që jeni mbi qiej.
5 Le ta lavdërojnë emnin e Jehovait, se
me urdhnin e tij jonë kriju.
6 Aj i mban për jetë e mot.
Aj e ka dhanë nji urdhën që s'ka me u prishë kurrë.
7 Lavdërojeni Jehovën pi tokës, ju gjallesat e mëdha
t'detit e ju krejt thellësitë e ujit,
8 ju vetëtima e kokrra t'breshnit, ti borë e ju re t'denduna,
ti erë e fortë që e kryn urdhnin e tij,
9 ju male e ju krejt kodra, ju drunj
që japin fruta e ju krejt kedrat,
10 ju kafshë t'egra e ju krejt kafshë t'butë,
ju kafshë që zvarriteni e ju zogj,
11 ju mbretërit e tokës e ju krejt popujt,
ju princat e ju krejt gjykatësit e tokës,
12 ju djem t'ri e vajza t'reja,
ju pleq e t'ri bashkë.
13 Le ta lavdërojnë emnin e Jehovait, se veç emni
i tij asht aq i naltë sa s'e mrrin
kërkush. Madhështia e tij asht mbi tokën e qiellin.
14 Aj ka me ia shtu fuqinë popullit
t'vet, për lavdinë e krejt atyne
që i rrijnë besnikë, bijve t'Izraelit, popullit
që e ka afër. Lavdërojeni Jahun!