Fjalët të urta 15
1 Nji përgjigje e butë e qetëson zemërimin, po
nji fjalë e randë e shton inatin.
2 Gjuha e njerëzve t'mençëm e përdor mirë dijen, po pi
gojës së atyne që s'kanë mend dalin veç budallakina.
3 Sytë e Jehovait janë gjithkah, aj i
sheh edhe njerëzit e këqij, edhe t'mirët.
4 Nji gjuhë që din me u kontrollu asht si nji dru
i jetës, po fjalët e shtrembta e çojnë njeriun n'dëshpërim.
5 Aj që s'ka mend s'ia vë veshin edukatës së babës
së vet, po njeriu i mençëm e pranon qortimin.
6 N'shpinë e njeriut t'drejtë ka thesare sa t'dush,
po fitimi i njeriut t'keq i sjell telashe.
7 Buzët e njerëzve t'mençëm e përhapin dijen,
po zemra e budallëve s'e bon këtë.
8 Kurbani i njerëzve t'këqij asht i neveritshëm për Jehovain,
po lutja e njerëzve t'ndershëm ia gëzon zemrën.
9 Jehova e urren rrugën e njeriut t'keq, po
e don atë që mundohet me vepru drejt.
10 Edukata i duket e keqe atij që e len rrugën
e drejtë, po kush e urren qortimin, ka me dekë.
11 Jehova e sheh krejt qka ka n'vorr edhe n'vendin e
shkatërrimit, e sa ma shumë i sheh zemrat e njerëzve!
12 Aj që tallet s'e don atë që e qorton.
Aj s'lyp këshilla pi njerëzve t'mençëm.
13 Nji zemër e gëzume ta ndriçon ftyrën,
po mërzia n'zemër ta ul shpirtin.
14 Nji zemër që kupton mirë lyp dije, po goja
e atyne që s'kanë mend ushqehet me budallakina.
15 Për njeriun që e ka zemrën e mërzitun, krejt ditët janë t'këqija, po
për atë që e ka zemrën e gëzume, çdo ditë asht si festë.
16 Ma mirë me pasë pak edhe me pasë respekt t'madh
për Jehovain, sesa me pasë shumë pasuni e plot telashe.
17 Ma mirë me hanger nji gjellë me perime aty ku ka
dashni, sesa me hanger mish demi t'majmë aty ku ka urrejtje.
18 Nji njeri që nxehet shpejt e shton grindjen,
po aj që s'nervozohet lehtë e qetëson konfliktin.
19 Rruga e përtacit asht si nji gardh plot me
therra, po rruga e njerëzve t'ndershëm asht e rrafshët.
20 Nji djalë i mençëm ia gëzon zemrën babës së vet, po
nji njeri që s'ka mend e përbuz nanën e vet.
21 Budallakia e gëzon atë që s'ka mend, po aj që
din me dallu t'mirën pi së keqes ecë drejt.
22 Planet dështojnë kur njerëzit s'këshillohen mes veti,
po kur ka shumë këshilltarë, planet realizohen.
23 Njeriu gëzohet kur jep nji përgjigje t'drejtë, e sa
mirë asht me thanë nji fjalë n'kohën e duhun!
24 Për njeriun që ka kuptim, rruga e jetës shkon
përpjetë, edhe e largon pi vorrit që asht poshtë.
25 Jehova ka me ia rrënu shpinë njeriut mendjemadh, po
kufinin e tokës së vejushës ka me e mbrojtë.
26 Jehova i urren planet e njeriut t'keq, po fjalët
e mira e t'kandshme janë t'pastra për të.
27 Kush fiton pare me hile, i sjell telashe familjes së vet, po kush
i urren dhuratat që jepen për me marrë ryshfet, ka me mbetë gjallë.
28 Zemra e njeriut t'drejtë mendon mirë para se me u përgjigjë,
po pi gojës së njerëzve t'këqij dalin veç fjalë t'këqija.
29 Jehova asht larg njerëzve t'këqij, po
lutjen e njerëzve t'drejtë e ngon.
30 Sytë që shkëlqejnë pi gëzimit ta gëzojnë zemrën,
e nji lajm i mirë ta forcon trupin.
31 Kush e ngon qortimin që të çon te
jeta, e ka vendin mes njerëzve t'mençëm.
32 Kush e refuzon edukatën, s'e çmon jetën e vet,
po kush e ngon qortimin, fiton ma shumë mend.
33 Respekti i madh për Jehovain të mëson me qenë
i mençëm, edhe përulësia vjen para nderit e lavdisë.