Kanga ma e bukur 4
1 «Sa e bukur je, oj e dashuna
jem! Sa e bukur je! Sytë e tu
mbrapa perçes jonë si sytë e pëllumbave.
Flokt e tu jonë si nji kope dhish,
që po zhdrypin pi maleve të Gileadit.
2 Dhambët e tu jonë si nji kope delesh që
sapo jonë qethë, që jonë la edhe kanë
dalë pi ujit, që secila i lind binjakë, e
asnjona s'i ka hup të vegjlit e vet.
3 Buzët e tua jonë si nji pe
i kuq i mbylltë, edhe fjalët e
tua jonë të ambla. Si copa
shege jonë faqet e tua mbrapa perçes.
4 Qafa jote asht si kulla e
Davidit, e marume me shtresa guri, ku
varen nji mijë mburoja, krejt mburojat
e rrumbullakta të burrave të fortë.
5 Dy gjinjtë e tu jonë si
dy të vegjël, po, si binjakët e
nji gazele, që kullosin mes zambakëve.»
6 «Para se me fry flladi i ditës edhe me
ik hijet, kom me u nis kah mali i
mirrës edhe kom me shku te kodra e temjanit.»
7 «Ti je krejt e bukur, oj e
dashuna jem, edhe s'ke kurrfarë të mete.
8 Hajde me mu, oj nusja jem, larg
pi Libanit, hajde me mu, larg pi Libanit.
Zhdryp pi maja e Amanës, pi maja
e Senirit, pi maja e Hermonit, pi vendet
ku mshefen luanat, pi malet e leopardëve.
9 Ma ke marrë zemrën, oj motra jem, nusja
jem, ma ke marrë zemrën veç me nji
shikim, veç me nji varëse të qaforës tane.
10 Sa të bukura jonë shenjat e dashnisë tane, oj motra jem, nusja
jem! Shenjat e dashnisë tane jonë shumë ma të mira se vena, edhe
era e parfumit tand ma e mirë se era e krejt erëzave!
11 Buzët e tua pikojnë mjaltë pi hojeve, oj nusja
jem. Mjaltë edhe tamël ke nën gjuhën tane, edhe
era e teshave tua asht si era e Libanit.
12 Motra jem, nusja jem, asht si nji kopsht i mshelun,
si nji kopsht i mshelun, si nji burim i vulosun.
13 Degët e tua të reja jonë si nji parajsë plot shega,
me pemët ma të mira, me bimë këne edhe nardi,
14 me nard edhe shafran, me kallam me erë të mirë
edhe kanellë, me druj temjani të çdo lloji, me
mirrë edhe aloe, bashkë me krejt erëzat ma të mira.
15 Ti je nji burim në kopsht, nji pus me ujë
të freskët, si përrojtë që rrjedhin poshtë pi Libanit.
16 Zgjohu, oj erë e veriut, hajde, oj
erë e jugut. Fryj nëpër kopshtin
tem. Le ta lshojë erën e vet
të mirë.» «I dashuni jem le të
vijë në kopshtin e vet edhe
le t'i hajë pemët ma të mira.»