Mateu 19
1 Masi Jezusi i ka kry kto muhabete, u largu prej venit e Galilesë dhe shkoi në anën tjetër e Jordanit në trojet e Judesë.
2Shumë grupët e njerzve i shkun përmas tij edhe ai i ka shnosh atje.
3 Tani ju afruan ngat disa farisenjt, [donmethon msusat nga nji grup fetar shumë i respektum]. Ata dashtën me provu Jezusin, tu e vet: "A guxon burri mu nda prej grujës vet për çkamos?"
4 Jezusi u përgjigj: "A nuk e keni lexu se Zoti i ka bo njerzt prej fillimit mashkull e femën?
5 A nuk e kini lexu edhe që tha: 'Përqata, burri ka me lon babën dhe nonën, për mu bo me gruen e vet bashkë, e të dy kanë mu bo nji trup i vetëm.'
6 Kshtu që, nuk janë mo dy, por nji trup. E pra, çka ka lidh Zoti, kurkush nuk guxon me nda!"
7 Ata i thanë: "E pse Musa tha, për me shlu grujën, me ja jap nji dokument, që u nda?"
8 Ai i tha: "Musa foli kshtu, se ju e kini zemrën gurë. Përqata ai ju ka lonë mu nda prej grave tuja. Ama prej fillimit nuk u konë kshtu."
9 Une po ju thomë se, kush ndahet prej grujës vet - edhe ajo s'ka bo kurveri - dhe martohet me njo tjetër, e prish kunorzimin.
10 Nxonsat tani thanë: "Masi osht kshtu puna i nji burrit me nji gru, ma mirë mos mu martu hiq."
11 Ai i tha: "Jo secili munet me nejt beqar, për hir e fjalës [së Zotit], por veç ai, që e ka aftësijën [prej Zotit].
12 Ka eunukë, [donmethonë njerzit që nuk i kanë organet e poshtme], ata janë lind qashtu nga barku i nonës. Ka edhe eunukë, që janë ashtu sepse njerzit i kanë bo ashtu. Po ka edhe disa, që dojnë me nejt si eunukë për Mbretninë e Havajës. Kush don me nejt beqar, leje me nejt beqar."
13 Masanej njerzit i kanë pru do thmi, që ai mi beku ata. Por nxonsat nuk i kanë lon thmijët mu afru ngat, dhe i kanë largu.
14 Jezusi i tha: "Leni thmit rahat e mos i largoni prej meje, se Mbretnia e Havajës i takon atynve, që janë sikur kta thmit."
15 Masanej ai i qiti durt përmi ta dhe i bekoi. Tani ai u qu prej atë venit edhe u shku nji rrugë tjetër.
16 Ma vonë dikush u afrua ngat Jezusit dhe e veti: "Msus, për me fitu jetën pafund, çfarë sene të mira duhet une mi bo?"
17 Jezusi i tha: "Pse po m'vet, çka osht e mirë? Veç Ai Njoni osht i mirë. Por nëse don me hy në jetë, maji msimet i Zotit."
18 Ai e veti: "Cilat janë?" Jezusi i tha: "'Mos myt', 'mos e prish kunorzimin', 'mos vjell', 'mos fol diçka, çka nuk osht e vërtetë',
19 'respektoj babën dhe nonën" edhe ,njerzit mi dasht, si vetën me dasht'."
20 Djali i ri tha: "Krejt kto sene pi maj. Çka më mungon hala?"
21 Jezusi i tha: "Qe ki qef mu konë pa asnji gabim, shko, shite krejt pasunin tân, jepja fukarave, e masanej ki me pasë nji pasuni e madhe në Havâ. Tani hajde me mu edhe bonu nxonsi im."
22 Kur djali i ka ni kto fjalt, u merzit shumë. Ai iku, sepse ishte përnime shumë i pasun.
23 Tani Jezusi i foli nxonsave të vet dhe tha: "Vërtet po ju thom, se për ata, që kanë shumë pare, ka mu konë shumë ma shtirë me hy në Mretninë e Havajës.
24 Apet po ju thom: ma kallaj e ka nji devë, [donmethon nji kafshë e madhe], me kalu birën e gjilpanës, se dikush, që ka shumë pare, me hy në Mretninë e Havajës."
25 Kur nxonsat e ngun ktâ, jonë trullav shumë edhe thanë: "Kush, pra, munet me pshtu?"
26 Jezusi i kqyri drejt në sytë e i tha: "Për njerzit kjo osht e pamundshme, por për Zotin osht gjithqka e mundshme."
27 Qaty Pjetri u përgjigj: "Na krejt i kena lon për me ardh me ty. Çka na bjen neve me marrë, pra?"
28 Jezusi i tha nxonsave: "Përnime po ju kallxoj: Kur krijohet krejt apet e re, Djali i Njerit ka mu ul në karrikën e lavdisë të Mretnisë. Tani edhe ju, që m'keni njek përmas, kini mu ul në 12 karrika e Mbretërve edhe kini mi gjykue 12 fisët e Izraelit.
29 Edhe secili, që e ka lon shpijën, apo vllaznitë, apo motrat, apo babën, apo nonën, apo thmitë, apo arat, për hir emnit tem, ka me marrë 100-fish ma tepër e ka me fitu jetën pafund.
30 Por për shumë veta ka mu konë kshtu: I pari ka mu konë i mramti, e i mramti ka mu konë i pari."