Luka 3
⚠️ KUJDES: Ky kapitull osht tu u përkthy. Mundet me pasë gabime. ⚠️
1 N’vitin e 15-të t’sundimit t’Tiberit Cezar, Ponc Pilati ishte guvernator i Judesë. Herodi ishte sundues i Galilesë. Vllau i tij Filipi ishte sundues i Iturajës edhe i Trakonitit. Lisaniasi ishte sundues i Abilenës. 2 N’kohën kur kryepriftër ishin Ana edhe Kajafa, Gjoni, djali i Zakarisë, n’shkretinë e mori ni fjalë prej Zotit.
3 Atëherë Gjoni shkoi nëpër krejt rrethin e Jordanit edhe po u predikonte njerëzve pagëzimin, si shenjë pendimi, që me u falë mëkatet. 4 Qysh shkrun te libri i profetit Isaia: “Ni zë po thirr n’shkretinë: ‘Përgatitni rrugën e Jehovës! Bani shtigjet e Tij të drejta. 5 Çdo luginë le të mbushet, e çdo mal e kodër le të ulet. Shtigjet e shtrembra le të drejtohen, e rrugët me gunga le të rrafshohen. 6 Edhe krejt njerëzit kanë me pa qysh Zoti sjell shpëtimin.’”
7 Kur turmat erdhën me u pagëzu prej tij, ai u tha: “Ju farë gjarpërinjsh, kush ju tha që muneni me ik prej zemrimit që po vjen? 8 Pra, bani vepra që tregojnë pendim. Mos thoni me vete: ‘Na e kemi Abrahamin babë.’ Se po ju thom: Zoti munet edhe prej këtyne gurëve me nxjerrë fëmijë për Abrahamin. 9 Edhe sëpata veç është te rrënja e drunjve. Çdo dru që s’jep fryt të mirë, pritet e hidhet në zjarr.”
10 Njerëzit e pyetën: “Atëherë qka me bo?” 11 Ai u tha: “Kush i ka dy rroba, le ta ndajë me atë që s’ka. Edhe kush ka ushqim, le të bojë njësoj.” 12 Edhe tagraxhinj erdhën me u pagëzu e thanë: “Mësues, qka me bo?” 13 Ai u tha: “Mos merrni ma shumë se sa ju takon.” 14 Edhe ushtarë e pyetën: “Po na, qka me bo?” Ai u tha: “Mos i shtrëngoni njerëzit, mos i rrenoni me akuza të rreme, edhe knaquni me rrogën tuaj.”
15 Njerëzit tash ishin plot pritje, edhe krejt po mendonin n’zemër: “Mos është ky Krishti?” 16 Gjoni u përgjigj krejtve: “Unë po ju pagëzoj me ujë. Po po vjen Ai që është ma i fortë se unë. Unë s’jam as i denjë me ia zgjidhë lidhëset e sandaleve. Ai ka me ju pagëzu me Shpirt të Shenjtë edhe me zjarr. 17 E ka shoshën n’dorë me e pastru mirë lëmin. Grurin ka me e mbledhë e me e qitë n’hambar, po bykun ka me e djegë me zjarr që s’fiket.”
18 Edhe me shumë fjalë tjera i këshillonte njerëzit, edhe po ua shpallte lajmin e mirë. 19 Po kur e qortoi Herodin, sunduesin e Galilesë, për Herodian, gruen e vllaut të tij, edhe për krejt të këqijat që i kishte bo, 20 Herodi e futi Gjonin n’burg. Kështu, ai i shtoi edhe ma shumë fajet e veta.
21 Kur krejt njerëzit po pagëzoheshin, u pagëzu edhe Jezusi. Derisa po lutej, u çel qielli, 22 edhe Shpirti i Shenjtë zbriti mbi të si pëllumb. Edhe u ni ni zë prej qiellit: “Ti je Biri jem, Biri jem i dashun. Jam i kënaqur me ty.”
23 Kur Jezusi e nisi shërbimin e vet, ishte diku rreth 30 vjeç. Njerëzit e konsiderojshin si
djalin e Jozefit,
djali i Helit,
24 djali i Matthatit,
djali i Levit,
djali i Melkiut,
djali i Jannait,
djali i Jozefit,
25 djali i Mattathiasit,
djali i Amosit,
djali i Nahumit,
djali i Eslit,
djali i Naggait,
26 djali i Maathit,
djali i Mattathiasit,
djali i Semeinit,
djali i Josechit,
djali i Jodës,
27 djali i Johananit,
djali i Resës,
djali i Zerubabelit,
djali i Shealtielit,
djali i Neriut,
28 djali i Melkiut,
djali i Addit,
djali i Kosamit,
djali i Elmadamit,
djali i Erit,
29 djali i Jezusit,
djali i Eliezerit,
djali i Jorimit,
djali i Matthatit,
djali i Levit,
30 djali i Simeonit,
djali i Judës,
djali i Jozefit,
djali i Jonamit,
djali i Eljakimit,
31 djali i Meleas,
djali i Mënnas,
djali i Mattathas,
djali i Nathanit,
djali i Davidit,
32djali i Isait,
djali i Obedit,
djali i Boazit,
djali i Salmonit,
djali i Nachshonit,
33 djali i Amminadabit,
djali i Arnit,
djali i Hezronit,
djali i Perezit,
djali i Judës,
34 djali i Jakobit,
djali i Isakut,
djali i Abrahamit,
djali i Terahut,
djali i Nahorit,
35 djali i Serugut,
djali i Reut,
djali i Pelegut,
djali i Eberit,
djali i Shelachut,
36 djali i Kainanit,
djali i Arpakshadit,
djali i Semit,
djali i Noes,
djali i Lamechit,
37 djali i Methuselahut,
djali i Henokut,
djali i Jaredit,
djali i Mahalaleelit,
djali i Kainanit,
38 djali i Enoshit,
djali i Sethit,
djali i Adamit,
djali i Zotit.