Esra 1
1 Në vitin e parë të mbretit Kir të Persisë, u konë koha me u përmbushë ajo që Jehovai e ka thanë nëpërmjet Jeremisë. Për qata Jehovai e ka shty mbretin Kir të Persisë me e shpallë nji thirrje nëpër krejt mbretninë e tij. Mbreti e ka lanë atë edhe me shkrim. Në të u thanë:
2 “Kështu po thotë mbreti Kir i Persisë: ‘Jehovai, Zoti i qiellit, m’i ka dhanë krejt mbretnitë e tokës edhe më ka ngarku me ia ndërtu nji shpi në Jerusalem, që asht në Judë.
3 Kushdo pi juve që asht pi populli i tij, Zoti i vet i ndihmoftë. Le të hypë në Jerusalem, në Judë, edhe le ta ndërtojë prapë shpinë e Jehovait, Zotit të Izraelit, se aj asht Zoti i vërtetë, po, shpinë e tij që u konë në Jerusalem.
4 Kushdo që jeton si i huj, kudo që banon, le ta ndihmojnë fqinjët e tij me argjend edhe ar, me mall e bagëti, edhe me dhurata që i japin me dëshirë për shpinë e Zotit të vërtetë në Jerusalem.’”
5 Atëherë krerët e familjeve të mëdha të Judës edhe Beniaminit, priftat edhe levitët, krejt ata që Zoti i vërtetë i ka shty me shku, janë përgatitë me hypë në Jerusalem edhe me e ndërtu prapë shpinë e Jehovait që u konë atje.
6 Krejt njerëzit përreth i kanë ndihmu me sende pi argjendi edhe ari, me mall, bagëti edhe sende të vlefshme, përveç krejt dhuratave që i kanë dhanë me dëshirë.
7 Përveç kësaj, mbreti Kir i ka nxjerrë enët edhe sendet që Nebukadnezari i ka marrë pi shpija e Jehovait në Jerusalem edhe i ka çu në shpinë e zotit të vet.
8 Mbreti Kir i Persisë i ka nxjerrë ato nën mbikëqyrjen e Mitredatit, atij që kujdesej për thesarin. Aj i ka numëru krejt edhe i ka shënu për Sheshbazarin, prijësin e Judës.
9 Kur i kanë numëru, jonë konë këto: 30 enë ari në formë shporte, 1 000 enë argjendi në formë shporte, 29 enë rezervë,
10 30 tasa të vegjël ari, 410 tasa të vegjël argjendi edhe 1 000 sende tjera.
11 Krejt bashkë jonë konë 5 400 enë edhe sende pi ari e argjendi. Sheshbazari i ka marrë krejt me veti kur robërit i kanë kthy pi Babilonia në Jerusalem.