Josiu 12
1 Këta jonë mbretat e vendit që izraelitët i kanë mundë në anën lindore të Jordanit edhe ua kanë marrë tokën, pi luginës së Arnonit deri nalt te Hermoni edhe në krejt Arabën lindore:
2 Mbreti i amoritëve, Sihoni, që ka jetu në Heshbon edhe ka sundu pi Aroerit, që gjendet në skaj të luginës së Arnonit. Vendi ku ka sundu aj asht shtri pi mesit të luginës, nëpër gjysmën e Gileadit deri te lugina e Jabokut, që u konë kufini i amonitëve.
3 Aj ka sundu edhe mbi Arabën lindore, pi liqenit të Kineretit deri te Deti i Arabës (Deti i Kripur), në lindje deri te Beth-Jeshimoti edhe në jug deri te rrëza e Pisgës.
4 Edhe mbreti Og i Bashanit, që ka jetu në Ashtarot edhe Edrei, u konë nji pi refaimëve të fundit.
5 Vendi ku ka sundu aj e ka përfshi Hermonin, Salkën, krejt Bashanin deri te kufini i geshuritëve edhe maakatitëve, si edhe gjysmën e Gileadit deri te vendi i mbretit Sihon të Heshbonit.
6 Moisiu, shërbëtori i Jehovait, edhe izraelitët i kanë mundë këta mbreta. Pastaj Moisiu, shërbëtori i Jehovait, ua ka dhanë tokën e tyne si pronë rubenitëve, gaditëve edhe gjysmës së fisit të Manases.
7 Në anën perëndimore të Jordanit, pi Baal-Gadit në luginën e Libanit deri te mali Halak, që ngrihet në drejtim të Seirit, Jozua edhe izraelitët i kanë mundë mbretat e vendit që jonë përmendë ma poshtë. Pastaj Jozua ua ka dhanë tokën e tyne fiseve të Izraelit si pronë, secilit hisen e vet.
8 Kjo tokë i ka përfshi vendet malore, Shefelën, Arabën, shpatet e maleve, vendet e shkreta edhe Negebin. Kjo u konë toka e hititëve, amoritëve, kananitëve, perizitëve, hivitëve edhe jebusitëve. Këta jonë mbretat:
9 Mbreti i Jerihos, mbreti i Ait, që gjendet afër Bethelit,
10 mbreti i Jerusalemit, mbreti i Hebronit,
11 mbreti i Jarmutit, mbreti i Lakishit,
12 mbreti i Eglonit, mbreti i Gezerit,
13 mbreti i Debirit, mbreti i Gederit,
14 mbreti i Hormës, mbreti i Aradit,
15 mbreti i Libnës, mbreti i Adulamit,
16 mbreti i Makedës, mbreti i Bethelit,
17 mbreti i Tapuahut, mbreti i Heferit,
18 mbreti i Afekut, mbreti i Lasharonit,
19 mbreti i Madonit, mbreti i Hazorit,
20 mbreti i Shimron-Meronit, mbreti i Akshafit,
21 mbreti i Taanakut, mbreti i Megidos,
22 mbreti i Kadeshit, mbreti i Jokneamit në Karmel,
23 mbreti i Dorit në shpatet e Dorit, mbreti i Gojimit në Gilgal,
24 mbreti i Tirzës.
Krejt bashkë jonë konë 31 mbreta.