Josiu 21
1 Kryetarët e familjeve t'mdhaja t'levitëve kanë shku te prifti Eleazar, te Josiu, djali i Nunit, edhe te kryetarët e familjeve t'mdhaja t'fiseve t'Izraelit
2 n'Shilo, n'vendin e Kananit, edhe u kanë thanë: «Jehovai ka urdhnu nëpërmjet Moisiut që neve me na u dhanë qytete për me banu edhe kullota për bagëtinë tonë.»
3 Atëherë izraelitët, simas urdhrit t'Jehovait, u kanë dhanë levitëve pi trashëgimia e tyne këto qytete bashkë me kullotat që u kanë taku atyne.
4 Shorti u ka ra familjeve t'kehatitëve, edhe levitëve që kanë rrjedhë pi prifti Aaron u kanë ra me short 13 qytete pi fiset e Judës, Simeonit edhe Benjaminit.
5 Kehatitëve tjerë u kanë ra 10 qytete pi familjet e fisit t'Efraimit, fisit t'Danit edhe gjysmës së fisit t'Manases.
6 Gershonitëve u kanë ra 13 qytete pi familjet e fisit t'Isakarit, fisit t'Asherit, fisit t'Naftalit edhe gjysmës së fisit t'Manases n'Bashan.
7 Meraritëve, simas familjeve t'tyne, u kanë ra 12 qytete pi fisi i Rubenit, fisi i Gadit edhe fisi i Sebulonit.
8 Këto qytete bashkë me kullotat që u kanë taku atyne, izraelitët ua kanë dhanë levitëve me short, qysh e ka urdhnu Jehovai nëpërmjet Moisiut.
9 Pi fisi i Judës edhe fisi i Simeonit ua kanë dhanë qytetet që përmenden këtu me emër,
10 edhe këto u kanë ra djemve t'Aaronit, pi familjet levite t'kehatitëve, se shorti i parë u ka ra atyne.
11 Ua kanë dhanë Kirjath-Arbën (Arba u konë baba i Enakut), dmth Hebronin, n'malet e Judës, bashkë me kullotat përreth tij.
12 Po arat e qytetit edhe vendbanimet që i kanë taku atij ia kanë dhanë Kalebit, djalit t'Jefuneut, si pronë.
13 Djemve t'priftit Aaron ua kanë dhanë Hebronin me kullotat e tij, që u konë qytet strehimi për atë që e ka vra nji njeri, edhe Libnën me kullotat e saj,
14 Jatirin me kullotat e tij, Eshtemoan me kullotat e saj,
15 Holonin me kullotat e tij, Debirin me kullotat e tij,
16 Ajinin me kullotat e tij, Jutën me kullotat e saj edhe Beth-Shemeshin me kullotat e tij, gjithsej 9 qytete pi këto dy fise.
17 Kurse pi fisi i Benjaminit ua kanë dhanë Gibeonin me kullotat e tij, Gebën me kullotat e saj,
18 Anathothin me kullotat e tij edhe Almonin me kullotat e tij, gjithsej 4 qytete.
19 Pasardhësit e Aaronit, që jonë konë prifta, kanë marrë gjithsej 13 qytete bashkë me kullotat e tyne.
20 Familjeve tjera t'kehatitëve, që jonë konë levitë, u kanë ra me short qytete pi fisi i Efraimit.
21 Ua kanë dhanë Sikemin n'malet e Efraimit me kullotat e tij, që u konë qytet strehimi për atë që e ka vra nji njeri, edhe Gezerin me kullotat e tij,
22 Kibzaimin me kullotat e tij edhe Beth-Horonin me kullotat e tij, gjithsej 4 qytete.
23 Kurse pi fisi i Danit ua kanë dhanë Elteken me kullotat e saj, Gibethonin me kullotat e tij,
24 Ajalonin me kullotat e tij edhe Gath-Rimonin me kullotat e tij, gjithsej 4 qytete.
25 Kurse pi gjysma e fisit t'Manases ua kanë dhanë Taanakun me kullotat e tij edhe Gath-Rimonin me kullotat e tij, gjithsej 2 qytete.
26 Familjet tjera t'kehatitëve kanë marrë gjithsej 10 qytete bashkë me kullotat e tyne.
27 Familjet e gershonitëve, që jonë konë levitë, kanë marrë pi gjysma e fisit t'Manases Golanin n'Bashan me kullotat e tij, që u konë qytet strehimi për atë që e ka vra nji njeri, edhe Beeshterën me kullotat e saj, gjithsej 2 qytete.
28 Kurse pi fisi i Isakarit ua kanë dhanë Kishjonin me kullotat e tij, Daberathin me kullotat e tij,
29 Jarmuthin me kullotat e tij edhe En-Ganimin me kullotat e tij, gjithsej 4 qytete.
30 Kurse pi fisi i Asherit ua kanë dhanë Mishalin me kullotat e tij, Abdonin me kullotat e tij,
31 Helkathin me kullotat e tij edhe Rehobin me kullotat e tij, gjithsej 4 qytete.
32 Kurse pi fisi i Naftalit ua kanë dhanë Kedesin n'Galile me kullotat e tij, që u konë qytet strehimi për atë që e ka vra nji njeri, Hamoth-Dorin me kullotat e tij edhe Kartanin me kullotat e tij, gjithsej 3 qytete.
33 Gershonitët, simas familjeve t'tyne, kanë marrë gjithsej 13 qytete bashkë me kullotat e tyne.
34 Familjet e meraritëve, që jonë konë levitët tjerë, kanë marrë pi fisi i Sebulonit Jokneamin me kullotat e tij, Kartën me kullotat e saj,
35 Dimnën me kullotat e saj edhe Nahalalin me kullotat e tij, gjithsej 4 qytete.
36 Kurse pi fisi i Rubenit ua kanë dhanë Bezerin me kullotat e tij, Jahazin me kullotat e tij,
37 Kedemothin me kullotat e tij edhe Mefaathin me kullotat e tij, gjithsej 4 qytete.
38 Kurse pi fisi i Gadit ua kanë dhanë Ramothin n'Gilead me kullotat e tij, që u konë qytet strehimi për atë që e ka vra nji njeri, Mahanaimin me kullotat e tij,
39 Hesbonin me kullotat e tij edhe Jazerin me kullotat e tij, gjithsej 4 qytete.
40 Meraritëve, simas familjeve t'tyne, dmth familjeve tjera levite, u kanë ra gjithsej 12 qytete.
41 Krejt bashkë, levitët kanë marrë 48 qytete bashkë me kullotat e tyne, n'mes t'territorit që u ka taku izraelitëve.
42 Secili pi këtyne qyteteve i ka pasë kullotat përreth. Kështu u konë me krejt këto qytete.
43 Kështu Jehovai ua ka dhanë izraelitëve krejt tokën që u ka premtu me be t'parëve t'tyne. Ata e kanë marrë atë tokë edhe jonë vendosë aty.
44 Jehovai u ka dhanë edhe qetësi pi krejt anët, qysh u ka ba be t'parëve t'tyne. Asnji pi krejt armiqve t'tyne s'ka mujtë me u ba ballë. Jehovai ua ka dhanë n'dorë krejt armiqtë e tyne.
45 Pi krejt t'mirat që Jehovai ia ka premtu popullit t'Izraelit, asnji premtim s'ka mbetë pa u plotësu. Krejt jonë ba realitet.