Kangë t'shejta 140
1 Më shpëto, o Jehova, pi njerëzve të këqij.
Më mbro pi njerëzve të dhunshëm,
2 pi atyne që në zemrat e veta planifikojnë
sene të këqija, edhe tanë ditën nxisin përleshje.
3 Ata e mprehin gjuhën si të gjarpnit. Mbrapa
buzëve të tyne kanë helm nepërke. Sela
4 Më mbro, o Jehova, pi duerve të njerëzve
të këqij. Më ruaj pi burrave të
dhunshëm, pi atyne që planifikojnë me më rrëzu.
5 Mendjemdhejt më kanë ngrehë nji kurth të
msheftë. Me litarë kanë shtri nji rrjetë
anash shtegut. Më kanë vendosë kurthe. Sela
6 Unë i thom Jehovait: „Ti je Zoti jem.
Dëgjoji thirrjet e mia për ndihmë, o Jehova.“
7 O Jehova, ti je Zotni që ke pushtetin, shpëtimtari jem
i fortë, ti ma mbron kryt ditën e betejës.
8 O Jehova, mos lejo që dëshirat e të këqijve me u plotësu. Mos lejo që
planet e tyne dinake me pasë sukses, që mos me u bo mendjemdhaj. Sela
9 Le t'u mbulohet kryt atyne që më rrethojnë,
me të këqijat që u dalin pi gojës.
10 Le t'u bien mbi kry thëngjij të ndezun si
shi. Le të hidhen në zjarr, në gropa
të thella, që mos me u çu kurrë ma.
11 Aj që shpif mos të gjejë vend në tokë.
E keqja le t'i ndjekë njerëzit e dhunshëm edhe le t'i rrëzojë.
12 Unë e di që Jehovai ka me i mbrojtë ata që s'kanë ndihmë, edhe
ka me u ndihmu të vorfnëve me e fitu të drejtën e vet.
13 Njerëzit e drejtë kanë me e lavdu emrin tand, pa dyshim.
Ata që jonë të ndershëm kanë me banu para teje.