Kangë t'shejta 97
1 Jehova u bo Mbret!
Le të gëzohet toka.
Le të brohorasin me gëzim ishujt e shumtë.
2 Retë edhe terri i dendur e rrethojnë atë.
Drejtësia edhe gjykimi i drejtë jonë themeli i fronit të tij.
3 Zjarmi ec para tij edhe i
përpin krejt kundërshtarët e tij përreth.
4 Rrufetë e tij e ndriçojnë krejt vendin.
Toka i sheh edhe dridhet.
5 Malet shkrihen si dylli para Jehovës,
para Zotnisë së krejt tokës.
6 Qielli e shpall drejtësinë e tij, edhe
krejt popujt e shohin lavdinë e tij.
7 Le t'ju vijë marre krejt atyne që adhurojnë idhuj,
krejt atyne që krenohen me zotat e tyne që
s'vlejnë kurgjo. Përkuluni para tij, o krejt ju zota.
8 Sioni e ka ni këtë edhe po
brohoret me gëzim. Vendet e Judës
po gëzohen për gjykimet tua, o Jehova.
9 Se ti, o Jehova, je ma i Nalti mbi krejt tokën.
Ti je shumë ma nalt se krejt zotat tjerë.
10 Ju që e doni Jehovën, urrejeni të keqen.
Aj ua ruan jetën atyne që i rrinë besnikë.
Aj i liron pi duarve të të kqijve.
11 Drita ka shndrit për njeriun e drejtë, edhe gëzimi
për ata që e kanë zemrën e drejtë.
12 Gëzohuni për Jehovën, o ju të drejtë,
edhe lavdojeni emnin e tij të shenjtë.