Letra e dytë e Samuelit 2
1 Masanej Davidi e ka vet Jehovën: «A me shku n'njanin pi qyteteve t'Judës?» Jehova iu përgjigj: «Shko atje.» Atëherë Davidi e veti: «Po ku me shku?» Aj i tha: «N'Hebron.»
2 Kështu Davidi ka shku atje me dy gratë e veta: me Ahinoamin pi Jezreelit edhe me Abigailin, vejën e Nabalit, karmelitit.
3 Davidi i ka marrë me veti edhe burrat e tij, secilin me krejt njerëzit e shpisë së vet, edhe jonë vendos n'qytetet përreth Hebronit.
4 Pastaj burrat e Judës kanë ardh te Davidi edhe e kanë vajos për mbret mbi
shpinë e Judës. Ata i kanë tregu: «Burrat e Jabesh-Gileadit e kanë varros Saulin.»
5 Atëherë Davidi ka çu lajmëtarë te burrat e Jabesh-Gileadit edhe u ka çu fjalë: «Jehova ju bekoftë, se ju e keni varros Saulin, zotninë tuaj, edhe me këtë i keni tregu dashni besnike.
6 Jehova ju tregoftë dashni besnike edhe besnikni. Edhe unë kam me u sill mirë me ju, se ju e keni bo këtë punë.
7 Tash bonuni t'fortë edhe trima, se Sauli, zotnia juaj, ka vdek, edhe shpija e Judës m'ka vajos mu për mbret t'vetin.»
8 Po Abneri, djali i Nerit edhe komandanti i ushtrisë së Saulit, e ka çu Ish-Boshethin, djalin e Saulit, përtej n'Mahanaim.
9 Aj e ka bo mbret mbi Gileadin, ashuritët, Jezreelin, Efraimin, Benjaminin edhe mbi krejt Izraelin.
10 Ish-Boshethi, djali i Saulit, i ka pas 40 vjet kur u bo mbret i Izraelit, edhe ka sundu dy vjet. Po shpija e Judës ka mbajt anën e Davidit.
11 Davidi u konë mbret mbi shpinë e Judës n'Hebron shtatë vjet e gjashtë muj.
12 Nji ditë, Abneri, djali i Nerit, bashkë me shërbëtorët e Ish-Boshethit, djalit t'Saulit, ka shku pi Mahanaimi n'Gibeon.
13 Edhe Joabi, djali i Zerujës, ka shku atje me burrat e Davidit. Ata jonë taku te pellgu i Gibeonit. Nji grup u ul n'njanën anë t'pellgut, e grupi tjetër n'anën përballë.
14 N'fund Abneri i tha Joabit: «Hajt t'i qesim djemtë tonë t'ri me luftu kundër njani-tjetrit!» Joabi i tha: «Ani, le t'dalin!»
15 Atëherë burrat u çunë, u numëruen edhe dolën përpara: dymbëdhjetë për Benjaminin edhe Ish-Boshethin, djalin e Saulit, edhe dymbëdhjetë pi burrat e Davidit.
16 Ata e kapën njani-tjetrin për kry, edhe secili ia nguli shpatën n'anë t'trupit kundërshtarit, kështu që krejt kanë ra për tokë. Për këtë arsye, ai ven n'Gibeon e ka marrë emnin Helkath-Hazzurim.
17 Kjo ka bo që po atë ditë me plas nji luftë shumë e ashpër. N'fund, burrat e Davidit i kanë mund Abnerin edhe burrat e Izraelit.
18 Aty jonë konë edhe tre djemtë e Zerujës: Joabi, Abishai edhe Asaheli, që u konë i shpejtë si nji gazelë n'natyrë t'egër.
19 Asaheli ia ka nis me e ndjekë Abnerin, edhe tu e ndjekë s'u kthy as djathtas, as majtas.
20 Abneri e ka kthy kryt mbrapa edhe e ka vet: «A je ti, Asahel?» Aj iu përgjigj: «Po, unë jom.»
21 Atëherë Abneri i tha: «Kthehu djathtas a majtas edhe kape njanin pi djemve t'ri. Merrja qka t'dush pi tij.» Po Asaheli s'ka dashtë me iu nda pi mbrapa.
22 Abneri i tha prapë Asahelit: «Nale, mos m'ndjek ma! Se përndryshe ka me m'u dashtë me t'rrëzu për tokë. E qysh muj pastaj me ia pa ftyrën vllaut tand Joabit?»
23 Po Asaheli s'ka dashtë me hekë dorë. N'fund, Abneri ia ka ngul fundin e pamprehtë t'shtizës n'bark, aq sa shtiza i ka dalë pi shpina. Asaheli ka ra për tokë edhe ka vdek n'ven. Krejt ata që kanë kalu aty edhe e kanë pa t'dekun për tokë, jonë nal t'tmerrum.
24 Atëherë Joabi edhe Abishai ia kanë nis me e ndjekë Abnerin. Kur ka perëndu dielli, kanë mbrri te kodra Amma, që asht përballë Giahut, rrugës për n'shkretëtinën e Gibeonit.
25 Benjaminjtë jonë mbledh mbrapa Abnerit edhe jonë rreshtu krejt bashkë si nji grup n'majë t'nji kodre.
26 Atëherë Abneri i ka thirr Joabit: «A s'ka me u ngi shpata kurrë? A s'e din që krejt kjo ka me përfundu keq? Kur ke me u thanë ma n'fund burrave me e nalë ndjekjen e vllaznive t'vet?»
27 Joabi iu përgjigj: «Pasha Zotin e vërtetë që asht gjallë, po mos me folë ti, burrat kishin me e nalë ndjekjen e vllaznive t'vet veç n'mëngjes.»
28 Atëherë Joabi i ka fry bririt edhe burrat e tij e kanë nalë ndjekjen e izraelitëve. Me kaq ka përfundu lufta.
29 Pastaj Abneri edhe burrat e tij kanë ecë tanë natën nëpër Arabë, e kanë kalu Jordanin edhe kanë shku nëpër krejt grykën, derisa n'fund kanë mbrri n'Mahanaim.
30 Pasi Joabi e ka nalë ndjekjen e Abnerit, i ka mbledh krejt burrat. Përveç Asahelit, mungojshin edhe 19 burra t'Davidit.
31 Po burrat e Davidit i kishin mund benjaminitët edhe burrat e Abnerit. 360 pi tyne kanë vdek.
32 Ata e kanë marrë Asahelin edhe e kanë varros n'varrin e babës së tij n'Betlehem. Pastaj Joabi edhe burrat e tij kanë ecë tanë natën edhe kanë mbrri n'Hebron kur ka nis me zbardh dita.