Letra e dytë e Shembujve 29
1 Hiskija u bo mbret kur i ka pasë 25 vjet, edhe ka sundu 29 vjet n'Jerusalem. Nana e tij e ka pasë emrin Abija. Ajo u konë çika e Zaharjas.
2 Aj ka bo qka u konë e drejtë n'sytë e Jehovait, qashtu qysh ka bo edhe i pari i vet, Davidi.
3 N'vitin e parë t'sundimit t'vet, n'mujin e parë, aj i ka çelë dyert e shpisë së Jehovait edhe i ka ndreqë.
4 Masanej i ka thirrë priftat edhe levitët, edhe i ka mbledhë n'sheshin kah lindja.
5 Aj u ka thanë: “Ju levitë, m'ngoni mu. Tash shenjtëroni veten. Shenjtërojeni edhe shpinë e Jehovait, Zotit t'të parëve tuj, edhe hjekni krejt senet e papastra pi vendit t'shenjtë.
6 Se baballarët tonë jonë konë t'pabesë edhe kanë bo qka u konë e keqe n'sytë e Jehovait, Zotit tonë. Ata e kanë braktisë, ia kanë kthy shpinën edhe e kanë largu ftyrën pi vendi i adhurimit t'Jehovait.
7 Ata i kanë mshelë edhe dyert e hyrjes, edhe i kanë fikë llampat. N'vendin e shenjtë s'kanë djegë ma as temjan, as kurbane për Zotin e Izraelit.
8 Për qata Jehovai u zemru me Judën edhe Jerusalemin. Aj i ka bo ata që njerëzit me u tmerru, me u tronditë edhe me fishkëllu kur i shohin, qashtu qysh po e shihni edhe ju me sytë tuj.
9 Për qata edhe t'parët tuj i kanë vra me shpatë, kurse djemtë, çikat edhe gratë tuja i kanë marrë robër.
10 E tash, dëshira jem e zemrës asht me bo nji besëlidhje me Jehovain, Zotin e Izraelit, që zemrimi i tij i madh me u largu pi neve.
11 Djemtë e mi, tash s'asht koha me e lanë punën mbas dore. Jehovai ju ka zgjedhë juve me nejt përpara tij, me i shërby edhe me qitë tym kurbani për të.”
12 Atëherë levitët janë çu me vepru: pi kehatitëve, Mahathi, djali i Amasait, edhe Joeli, djali i Azarjas; pi meraritëve, Kishi, djali i Abdit, edhe Azarja, djali i Jehalelit; pi gershonitëve, Joahu, djali i Simas, edhe Edeni, djali i Joahut;
13 pi djemve t'Elizafanit, Shimri edhe Jeueli; pi djemve t'Asafit, Zaharja edhe Matanja;
14 pi djemve t'Hemanit, Jehieli edhe Shimei; edhe pi djemve t'Jeduthunit, Shemaja edhe Uzieli.
15 Ata i kanë mbledhë vllaznitë e vet, janë shenjtëru edhe kanë ardhë me e pastru shpinë e Jehovait, qashtu qysh e ka urdhëru mbreti sipas fjalëve t'Jehovait.
16 Priftat kanë hi mrena n'shpinë e Jehovait edhe kanë nisë me e pastru. Krejt senet e papastra që i kanë gjetë n' tempullin e Jehovait, i kanë qitë n'oborrin e shpisë së Jehovait. Masanej levitët i kanë marrë ato sene edhe i kanë çu jashtë, n'luginën e Kidronit.
17 Ata e kanë nisë shenjtërimin ditën e parë t'mujit t'parë. Ditën e tetë t'atij muji kanë mbrri te hyrja e shpisë së Jehovait. Edhe tetë ditë tjera kanë vazhdu me e shenjtëru shpinë e Jehovait. Ditën e 16-të t'mujit t'parë e kanë kry krejt punën.
18 Masanej kanë shku te mbreti Hiskija edhe i kanë kallxu: “E kemi pastru krejt shpinë e Jehovait, edhe altarin ku digjen kurbanet bashkë me krejt sendet që i takojnë, edhe tavolinën ku vendosen bukët njana mbi tjetrën, bashkë me krejt sendet e saj.
19 Krejt sendet që mbreti Ahaz i ka hjekë gjatë sundimit t'vet, kur u bo i pabesë, na i kemi ndreqë prapë edhe i kemi shenjtëru. Tash ato janë përpara altarit t'Jehovait.”
20 Herët n'sabah, mbreti Hiskija u çu, i ka mbledhë krerët e qytetit edhe bashkë me ta ka hyp te shpia e Jehovait.
21 Ata i kanë pru shtatë dema, shtatë desh, shtatë qingja meshkuj edhe shtatë cjep si kurban për gjynahe, për familjen e mbretit, për vendin e shenjtë edhe për Judën. Hiskija u ka thanë priftave, pasardhësve t'Aronit, me i bo kurban n'altarin e Jehovait.
22 Së pari i kanë therë demat, edhe priftat e kanë marrë gjakun e tyne edhe e kanë spërkatë mbi altar. Masanej i kanë therë deshtë edhe gjakun e tyne e kanë spërkatë mbi altar. N'fund i kanë therë edhe qingjat meshkuj, edhe gjakun e tyne e kanë spërkatë mbi altar.
23 Masanej priftat i kanë pru cjepat për kurbanin e gjynahut përpara mbretit edhe krejt atyne që u konë t'mbledhun aty, edhe i kanë vnu durt mbi ta.
24 Priftat i kanë therë cjepat si kurban për gjynahe edhe e kanë spërkatë gjakun e tyne mbi altar, për me ia shly fajin krejt Izraelit. Se mbreti ka thanë që kurbani që digjet edhe kurbani për gjynahe me u bo për krejt Izraelin.
25 Ndërkohë, Hiskija i ka vendosë levitët te shpia e Jehovait me cembale, vegla me tela edhe harfa, qashtu qysh e kishin urdhëru Davidi, Gadi, aj që shihke vegime për mbretin, edhe profeti Natan. Se ky urdhën u ardhë pi Jehovait përmes profetëve t'vet.
26 Levitët kanë nejt aty me veglat muzikore t'Davidit, kurse priftat me trumbeta.
27 Masanej Hiskija ka urdhëru me e bo kurbanin që digjet mbi altar. Sapo kanë nisë me e bo kurbanin, ka nisë edhe kënga për Jehovain, edhe kanë nisë me u fry trumbetave, bashkë me veglat muzikore t'mbretit David t'Izraelit.
28 Krejt ata që u konë t'mbledhun aty janë përkulë, ndërkohë që po këndohej edhe po u fryhej trumbetave. Kjo ka vazhdu deri sa ka përfundu kurbani që digjej.
29 Menjiherë mas kësaj, mbreti edhe krejt ata që u konë me të, janë përkulë thellë edhe kanë ra për toke.
30 Masanej mbreti Hiskija edhe krerët u kanë thanë levitëve me e lavdu Jehovain me fjalët e Davidit edhe t'Asafit, atij që shihke vegime. Ata e kanë lavdu Jehovain me shumë gëzim, janë përkulë edhe kanë ra për toke.
31 N'fund Hiskija ka thanë: “Tash ju jeni veçu për Jehovain. Hajdeni edhe bini kurbane edhe kurbane falënderimi te shpia e Jehovait.” Atëherë krejt ata që u konë t'mbledhun kanë pru kurbane edhe kurbane falënderimi. Edhe secili që e ka pasë dëshirën pi zemrës, ka pru kurbane që digjen.
32 Krejt bashkë, ata që u konë t'mbledhun kanë pru 70 dema, 100 desh edhe 200 qingja meshkuj si kurbane që digjen për Jehovain.
33 Kurbane t'shenjta kanë pru gjithsej 600 krerë bagëti t'mëdha edhe 3000 krerë bagëti t'imta.
34 Ama s'ka pasë mjaft prifta me ua hjekë lëkurën krejt kurbaneve që digjeshin. Për qata u kanë ndihmu vllaznitë e tyne, levitët, deri sa e kanë kry punën edhe priftat kanë mujtë me u shenjtëru. Se levitët janë mundu ma shumë edhe ma me kujdes me u shenjtëru se priftat.
35 Përveç krejt atyne kurbaneve që digjeshin, kanë pasë edhe pjesë t'dhjamit pi kurbanet e bashkësisë, edhe kurbane t'pijes që u takojshin kurbaneve që digjeshin. Qashtu ka nisë prapë shërbimi n'shpinë e Jehovait.
36 Hiskija edhe krejt populli janë gëzu për qka ka bo Zoti i vërtetë për popullin, se krejt kjo punë u kry shumë shpejt.