Letra e dytë e Shembujve 31
1 Mas festës, krejt izraelitët që kishin marrë pjesë, kanë shku n'qytetet e Judës. Ata i kanë thy shtyllat e shenjta, i kanë pre shtyllat e drunit t'shenjta, edhe i kanë rrënu krejt vendet e nalta edhe altaret gjithkah n'Judë e Benjamin, edhe n'Efraim e Manase, deri sa i kanë shkatërru krejt. Masanej izraelitët janë kthy n'qytetet e veta, secili te prona e vet.
2 Masanej Hiskija i ka nda priftat edhe levitët n'grupe, secilin sipas punës që e ka pasë. Ata u dasht me i bo kurbanet që digjen edhe kurbanet e bashkësisë, me i shërby Zotit te dyert e oborreve t'Jehovait, me e falënderu edhe me e lavdu.
3 Mbreti ka dhanë nji pjesë pi pasunisë së vet për kurbanet që digjeshin n'sabah edhe n'mramje, ditëve t'sabatit, ditëve t'hanës së re edhe gjatë festave, qashtu qysh shkruhet n'Ligjin e Jehovait.
4 Përveç kësaj, aj i ka urdhëru banorët e Jerusalemit me ua dhanë priftave edhe levitëve pjesën që u takonte, që ata me mujtë me iu përmbajtë mirë Ligjit t'Jehovait.
5 Sapo u dha ky urdhën, izraelitët kanë nisë me pru shumë pi prodhimeve t'para t'grunit, t'venës së re, t'vajit, t'mjaltit edhe pi krejt prodhimeve t'arat. Ata kanë dhanë nji t'dhjetën pi çdo seni, edhe u mblodh shumë.
6 Edhe njerëzit e Izraelit edhe t'Judës që jetojshin n'qytetet e Judës, kanë pru nji t'dhjetën e lopëve edhe t'deleve t'veta, edhe nji t'dhjetën pi krejt seneve që u konë shenjtëru për Jehovain, Zotin e tyne. Krejt këto i kanë pru edhe i kanë bo shumë grumbuj.
7 N'mujin e tretë kanë nisë me i bo grumbujt, edhe n'mujin e shtatë e kanë kry punën.
8 Kur Hiskija edhe krerët kanë ardhë edhe i kanë pa krejt ata grumbuj, e kanë lavdu Jehovain edhe e kanë beku popullin e tij, Izraelin.
9 Hiskija i ka vetë priftat edhe levitët për krejt ato dhurata që u konë bo grumbull.
10 Kryeprifti Azarja, pi familja e Zadokut, i ka thanë: “Qysh pi kohës kur kanë nisë me u pru kontributet n'shpinë e Jehovait, kemi pasë boll me hangër, bile na ka tepru shumë. Se Jehovai e ka beku popullin e vet. Krejt kjo që po e sheh, na ka tepru.”
11 Atëherë Hiskija ka urdhëru me i përgatitë depot n'shpinë e Jehovait, edhe qashtu kanë bo.
12 Aty i kanë pru me shumë kujdes krejt kontributet, t'dhjetat edhe krejt senet e shenjta. Levitin Konanja e kanë caktu me u kujdesë për krejt këto, kurse vllau i tij, Shimei, u konë zëvendësi i tij.
13 Jehieli, Azazja, Nahati, Asaheli, Jerimoti, Jozabadi, Elieli, Jismahia, Mahati edhe Benaja u konë t'caktum me i ndihmu Konanjës edhe vllaut t'tij, Shimeit, qashtu qysh e ka urdhëru mbreti Hiskija. Kurse Azarja e ka pasë nën kujdes shpinë e Zotit t'vërtetë.
14 Leviti Kore, djali i Jimnës, që e ka rujtë portën kah lindja, e ka pasë për detyrë me u kujdesë për dhuratat që njerëzit ia jepnin Zotit t'vërtetë me dëshirë. Aj i ka nda kontributet që u sillshin për Jehovain, edhe dhuratat ma t'shenjta.
15 N'qytetet e priftave, nën kujdesin e tij u konë Edeni, Minjamini, Jeshua, Shemaja, Amarja edhe Shehanja. Këta u konë njerëz t'besushëm, që e kishin për detyrë me ua nda pjesët n'mënyrë t'barabartë vllaznive t'vet n'grupet e tyne, si t'mëdhenjve, si t'vegjëlve.
16 Përveç këtyne, u janë dhanë pjesët edhe meshkujve pi moshës tre vjeç e përpjetë, që u konë t'shkrum n'listat e familjeve, krejt atyne që vishin çdo ditë n'shpinë e Jehovait për me shërby aty edhe për me i kry punët e grupeve t'veta.
17 Priftat u konë t'shkrum n'listat e familjeve sipas familjeve t'mëdhaja t'veta. Edhe levitët pi moshës 20 vjeç e përpjetë u konë t'shkrum sipas punëve që i kishin n'grupet e tyne.
18 N'ato lista u konë t'shkrum krejt fëmijët e tyne, gratë, djemtë edhe çikat, krejt familjet e tyne. Se, për shkak t'detyrës që u konë besu, ata e kanë majtë veten t'pastër për shërbimin e shenjtë.
19 N'ato lista u konë edhe pasardhësit e Aronit, priftat që jetojshin jashtë qyteteve t'veta, n'vendet përreth ku kulloteshin bagëtitë. N'çdo qytet u konë caktu burra me emër, që me ua dhanë pjesët krejt meshkujve pi familjeve t'priftave, edhe krejt levitëve që u konë t'shkrum n'listat e familjeve.
20 Hiskija ka vepru qashtu n'krejt Judën. Aj ka bo qka u konë e mirë edhe e drejtë n'sytë e Jehovait, Zotit t'vet, edhe i ka nejtë besnik.
21 Krejt qka ka ndërmarrë për me e kërku Zotin e vet, si n'shërbimin n'shpinë e Zotit t'vërtetë, si n'punët e Ligjit edhe t'urdhnave, i ka bo me krejt zemër, edhe ka pasë sukses.