Letra e dytë e Shembujve 32
1 Mas që Hiskija i ka kry krejt këto punë me besnikëri, mbreti Sanherib i Asirisë e ka sulmu Judën. Aj i ka rrethu qytetet e fortifikuara, i vendosun me i marrë ato.
2 Kur Hiskija e ka pa që Sanheribi po vinte me luftu kundër Jerusalemit,
3 ka bisedu me krerët edhe luftëtarët e vet, edhe ka vendosë me i blloku burimet e ujit jashtë qytetit. Ata e kanë përkrahë këtë plan.
4 Kanë mbledhë shumë njerëz, edhe i kanë blloku krejt burimet edhe rrjedhën e ujit që kalonte n'për atë vend. Kanë thanë: “Pse me gjetë mbretërit e Asirisë shumë ujë kur t'vijnë?”
5 Hiskija u ka hi punëve me vendosmëri, edhe e ka rindërtu krejt murin që u konë i rrënum, edhe ka ngritë kulla mbi të. Përjashta ka ndërtu edhe nji mur tjetër. E ka ndreqë edhe ledhin e qytetit t'Davidit, edhe ka urdhëru me u bo shumë armë e mburoja.
6 Masanej ka caktu komandantë t'ushtrisë mbi popullin, edhe i ka mbledhë krejt n'sheshin te porta e qytetit. Aty u ka dhanë zemër me këto fjalë:
7 “Boni zemër edhe jini t'fortë. Mos u tutni edhe mos u tronditni para mbretit t'Asirisë edhe krejt ushtrisë së tij t'madhe. Se n'anën tonë ka ma shumë se n'anën e tij.
8 Aj mbështetet veç n'forcën e njerëzve, ama na e kemi Jehovain, Zotin tonë, n'anën tonë. Aj na ndihmon edhe lufton për neve n'betejë.” Me këto fjalë, mbreti Hiskija i Judës i ka dhanë zemër popullit.
9 Mbreti Sanherib i Asirisë u konë para Lakishit me krejt fuqinë e mbretnisë së vet. Pi aty ka çu lajmëtarë n'Jerusalem te mbreti Hiskija i Judës edhe te njerëzit e Judës që u konë n'qytet, edhe u ka çu këtë fjalë:
10 “Qeshtu po thotë mbreti Sanherib i Asirisë: ‘Në qka po mbështeteni që po rrini n'Jerusalem, kur qyteti asht i rrethum?
11 A s'po ju mashtron Hiskija kur po ju thotë: «Jehovai, Zoti jonë, ka me na shpëtu pi dorës së mbretit t'Asirisë»? N'fund keni me dekë pi urisë edhe pi etjes.
12 A s'u konë bash Hiskija aj që i ka hjekë vendet e nalta edhe altaret e Zotit tuj, edhe masanej i ka thanë Judës edhe Jerusalemit: «Veç para nji altari keni me u përkulë, edhe veç mbi atë altar keni me qitë tym kurbani»?
13 A s'e dini qka u kemi bo unë edhe t'parët e mi krejt popujve n'vendet tjera? A kanë mujtë zotat e atyne popujve me ua shpëtu vendin pi dorës teme?
14 Asnjani pi zotave t'popujve që t'parët e mi i kanë shkatërru krejt, s'ka mujtë me e shpëtu popullin e vet pi dorës teme. Atëherë qysh ka me mujtë Zoti juej?
15 Mos e leni Hiskinë me ju mashtru qashtu edhe me ju çu n'rrugë t'gabume! Mos i besoni. Deri tash asnji zot s'ka mujtë me e shpëtu naj popull a naj mbretni pi dorës teme edhe pi dorës së t'parëve t'mi. E aq ma pak ka me mujtë Zoti juej!’”
16 Njerëzit e Sanheribit kanë vazhdu me u tallë me Jehovain, Zotin e vërtetë, edhe me shërbëtorin e tij, Hiskinë.
17 Sanheribi ka shkru edhe letra ku e ka sha edhe e ka sulmu Jehovain, Zotin e Izraelit. N'ato letra ka shkru: “Zotat e popujve t'vendeve tjera s'kanë mujtë me i shpëtu popujt e vet pi dorës teme. Njajtë as Zoti i Hiskisë s'ka me mujtë me e shpëtu popullin e vet pi dorës teme.”
18 Ata vazhdimisht u kanë bërtitë me za t'naltë n'gjuhën e judenjve njerëzve t'Jerusalemit që rrishin mbi mur. Kanë dashtë me i frikësu edhe me i tmerru, që me mujtë me e marrë qytetin.
19 Ata kanë folë kundër Zotit t'Jerusalemit njajtë qysh kanë folë kundër zotave t'popujve tjerë t'tokës, që i kanë bo njerëzit me durt e veta.
20 Ama mbreti Hiskija edhe profeti Isaia, djali i Amozit, janë lutë vazhdimisht për këtë punë, edhe kanë thirrë kah qielli për ndihmë.
21 Atëherë Jehovai e ka çu nji melaqe, që i ka vra krejt luftëtarët trima, krerët edhe komandantët n'kampin e mbretit t'Asirisë. Sanheribi u kthy n'vendin e vet me marre e me turp. Ma vonë, kur ka hi n'tempullin e zotit t'vet, djemtë e vet e kanë vra me shpatë.
22 Qashtu Jehovai e ka shpëtu Hiskinë edhe banorët e Jerusalemit pi dorës së Sanheribit, mbretit t'Asirisë, edhe pi dorës së krejt tjerëve. Edhe ka bo që ata me pasë qetësi n'krejt anët përreth.
23 Shumë njerëz kanë pru dhurata për Jehovain n'Jerusalem, edhe dhurata t'çmueshme për mbretin Hiskija t'Judës. Pi atëherë krejt popujt e kanë pasë shumë n'respekt.
24 N'atë kohë, Hiskija u smu shumë randë, saqë u konë afër dekës. Aj iu lut Jehovait, edhe Jehovai ia ka ni lutjen edhe i ka dhanë nji shenjë.
25 Ama Hiskija s'u konë falënderues për t'mirat që i kish përjetu. Zemra e tij u bo mendjemadhe, edhe për qata Zoti u zemru me të, me Judën edhe me Jerusalemin.
26 Mirëpo Hiskija e ka përulë veten, se u konë bo mendjemadh n'zemër. Edhe banorët e Jerusalemit e kanë përulë veten bashkë me të. Për qata zemrimi i Jehovait s'i ka goditë n'kohën e Hiskisë.
27 Hiskija u bo shumë i pasun edhe shumë i nderum. Aj ka ndërtu shpija për me rujtë argjendin, arin, gurët e çmueshëm, vajin e balsamit, mburojat edhe krejt sendet tjera me vlerë.
28 Ka ndërtu edhe depo për me rujtë prodhimet e grunit, venën e re edhe vajin, si edhe ahura për lloje t'ndryshme t'bagëtive edhe vende për me i majtë tufat.
29 Ka ndërtu edhe qytete për veti, edhe ka siguru shumë bagëti, tufa t'mëdha t'bagëtive t'imta edhe t'mëdha, se Zoti i ka dhanë shumë pasuni.
30 Hiskija u konë edhe aj që e ka mbyllë daljen e naltë t'burimit t'Gihonit, edhe e ka drejtu ujin kah perëndimi, poshtë te qyteti i Davidit. Krejt qka ka bo Hiskija i ka shku mbarë.
31 Ama kur princat e Babilonisë i kanë çu lajmëtarë me e vetë për shenjën që u konë pa n'vend, Zoti i vërtetë e ka lanë Hiskinë me vepru vetë. Aj ka dashtë me e provu, për me pa qka kishte n'zemër.
32 Krejt senet tjera për historinë e Hiskisë, edhe punët që i ka bo pi dashnisë së tij besnike, janë t'shkrume n'vegimin e profetit Isaia, djalit t'Amozit, te «Libri i Mbretënve t'Judës e t'Izraelit».
33 N'fund Hiskija ka vdekë, edhe e kanë varrosë te rruga që hyp te vorret e djemve t'Davidit. Krejt Juda edhe banorët e Jerusalemit i kanë bo nderime kur ka vdekë. Mas tij, djali i vet, Manase, u bo mbret.