Letra e dytë e Shembujve 35
1 Josia e ka festu Pashkën për Jehovën në Jerusalem. Ditën e 14-të të mujit të parë e kanë ther kurbanin e Pashkës.
2 Aj ua ka caktu priftërinjve detyrat e tyne edhe u ka dhanë zemër me vazhdu shërbimin në shpinë e Jehovës.
3 Masanej u ka thanë levitëve, që e mësojshin krejt Izraelin edhe që ishin të shenjtë për Jehovën: «Vnojeni arkën e shenjtë të besëlidhjes në shpinë që e ka ndërtu Salomoni, djali i Davidit, mbretit të Izraelit. S’keni nevojë ma me e bart në supe. Tash shërbejini Jehovës, Zotit juve, edhe popullit të tij, Izraelit.
4 Bohuni gati simas familjeve tuja të mëdhaja edhe grupeve tuja. Mbajuni asaj që e kanë shkru mbreti David i Izraelit edhe djali i tij Salomoni.
5 Rreshtohuni me rend në vendin e shenjtë, simas familjeve të mëdhaja. Për secilën familje të madhe të vllaznive tuj pi populli, le të jetë nji grup levitësh.
6 Thereni kurbanin e Pashkës, shenjtërohuni edhe boni krejt përgatitjet për vllaznitë tuj, që gjithçka me shku qysh ka urdhnu Jehova përmes Moisiut.»
7 Josia ka dhanë pi pasunia e vet për krejt popullin që u konë aty kope me qengja meshkuj edhe cjeptë e ri për kurbanet e Pashkës, gjithsej 30 000 krerë, edhe 3 000 gjedhe. Krejt këto ishin pi pasunia e mbretit.
8 Edhe paria e tij kanë dhanë dhurata për popullin, për priftërinjtë edhe për levitët. Hilkia, Zakaria edhe Jehieli, që ishin udhëheqës në shpinë e Zotit të vërtetë, u kanë dhanë priftërinjve 2 600 krerë bagëti të imta për kurbanet e Pashkës edhe 300 gjedhe.
9 Konania edhe vllaznitë e tij, Shemaja edhe Netaneli, bashkë me Hashabian, Jehielin edhe Jozabadin, që ishin të parët e levitëve, u kanë dhanë levitëve 5 000 krerë bagëti të imta për kurbanin e Pashkës edhe 500 gjedhe.
10 Krejt u bo gati. Priftërinjtë kanë nejt në vendet e veta, kurse levitët jonë rreshtu simas grupeve, qysh ka urdhnu mbreti.
11 Ata i kanë ther kurbanet e Pashkës, e priftërinjtë e kanë stërpik gjakun që ua kanë dhanë, derisa levitët ua kanë hjek lëkurën kafshëve.
12 Masanej i kanë përgatit kurbanet që digjeshin krejt, për me ua dhanë njerëzve që ishin të ndamë simas familjeve të mëdhaja, që me ia ofru Jehovës qysh shkruhet në librin e Moisiut. Njajt kanë vepru edhe me gjedhet.
13 Kurbanin e Pashkës e kanë përgatit mbi zjarr, qysh u konë zakoni, kurse dhuratat e shenjta i kanë gatu në tenxhere, kazanë edhe tigana. Masanej ua kanë nda shpejt popullit.
14 Mas kësaj, levitët e kanë përgatit Pashkën edhe për veti edhe për priftërinjtë. Se priftërinjtë, pasardhësit e Aronit, u konë të zanun deri sa ka ra nata me ofru kurbanet që digjeshin krejt edhe pjesët e dhjamit. Për qata levitët e kanë përgatit Pashkën për veti edhe për priftërinjtë, pasardhësit e Aronit.
15 Këngëtarët, djemtë e Asafit, kanë nejt në vendet e veta, qysh kishin urdhnu Davidi, Asafi, Hemani edhe Jeduthuni, aj që shihte vegime për mbretin. Rojat e portave kanë nejt te portat e ndryshme. Ata s’kanë pas nevojë me e nal shërbimin e vet, se vllaznitë e tyne, levitët, i kanë bo përgatitjet për ta.
16 Kshtu, atë ditë, krejt u bo gati për shërbimin e Jehovës, që me u festu Pashka edhe me u ofru kurbanet që digjeshin krejt mbi altarin e Jehovës, qysh ka urdhnu mbreti Josia.
17 Izraelitët që u konë aty e kanë festu atëherë Pashkën edhe festën e bukëve pa maja, që ka zgjat shtatë ditë.
18 Qysh pi kohës së profetit Samuel, në Izrael s’u konë festu nji Pashkë e tillë. Asnji mbret tjetër i Izraelit s’e ka festu Pashkën qashtu si Josia, bashkë me priftërinjtë, levitët, krejt ata që kishin ardh pi Juda e Izraeli edhe banorët e Jerusalemit.
19 Kjo Pashkë u festu në vitin e 18-të të mbretnimit të Josias.
20 Ma vonë, masi Josia e ka ndreq tempullin, mbreti Neko i Egjiptit ka marrë rrugën për Karkemish, te lumi Eufrat, me bo luftë atje. Josia i ka dalë përpara.
21 Atëherë Neko i ka çu fjalë përmes lajmëtarëve: «O mbret i Judës, qka ke ti punë me ket sen? Unë sot s’jom nis me luftu kundër teje, po kundër nji shpie tjetër. Edhe Zoti po m’thotë me u ngut. Për t’mirën tande po t’thom: Mos i dil kundër Zotit, se përndryshe aj ka me t’shkatrru. Aj asht në anën tem.»
22 Ama Josia s’ka dasht me u tërhek. Aj u masku edhe ka dalë me luftu kundër Nekos. S’i ka ngu fjalët e Nekos, që vishin pi Zotit. Kshtu ka ardh deri te lufta në fushën e Megidos.
23 Kur shigjetarët e kanë godit mbretin Josia, aj u ka thanë njerëzve të vet: «Më largoni pi këtu, se jom plagos randë.»
24 Atëherë ata e kanë nxjerr pi qerrja e luftës edhe e kanë çu me qerren e tij të dytë të luftës në Jerusalem. Kshtu aj ka vdek edhe e kanë vorros në vendin ku ishin varros të parët e tij. Krejt Juda edhe Jerusalemi kanë mbajt zi për Josian.
25 Jeremia ia ka nis nji kange vajtimi për Josian. Edhe sot këngëtarët edhe këngëtaret këndojnë për Josian në kangët e tyne të vajtimit. U vendos që kto kangë me u këndu në Izrael, edhe ato jonë të shkrume në përmbledhjen e kangëve të vajtimit.
26 Krejt senet tjera për historinë e Josias edhe për krejt ato që i ka bo aj pi dashnisë besnike, për me iu përmbajt asaj që shkruhet në Ligjin e Jehovës,
27 krejt veprat e tij pi fillimit deri në fund, jonë të shkrume në «Librin e Mbretërve të Izraelit edhe të Judës».