Letra e parë e Samuelit 13
1 Sauli i ka pasë … vjet kur u bo mbret, edhe ka sundu mbi Izraelin dy vjet.
2 Sauli i ka zgjedhë 3000 burra pi izraelitëve. 2000 pi tyne jonë konë me të në Mikmash edhe në malet e Bethelit, kurse 1000 jonë konë me Jonatanin në Gibea, në vendin e fisit t'Beniaminit. Krejt burrat tjerë i ka çu n'shpi t'vet.
3 Jonatani e ka mundë grupin e ushtarëve filistinë në Geba, edhe filistinët e kanë marrë vesh. Atëherë Sauli ka urdhnu me i ra borisë nëpër krejt vendin edhe ka thanë: “Le ta marrin vesh hebrenjtë!”
4 Krejt Izraeli e ka ni këtë lajm: “Sauli e ka mundë nji grup t'ushtarëve filistinë, edhe tash filistinët e kanë marrë inat Izraelin.” Për qata, burrat i kanë thirrë me u mbledhë te Sauli në Gilgal.
5 Edhe filistinët jonë mbledhë për me luftu kundër Izraelit. I kanë pasë 30 000 karroca lufte, 6000 kalorës edhe ushtarë sa kokrrat e zallit n'breg t'detit. Ata kanë hyp edhe e kanë ngritë kampin në Mikmash, në lindje t'Beth-Avenit.
6 Burrat e Izraelit e kanë pa që jonë n'gjendje shumë t'vështirë, se armiku po i shtrëngonte fort. Për qata, populli u ka mshefë nëpër shpella, gropa, t'çame t'shkambinjve, bodrume edhe puse ku ruhet uji.
7 Disa hebrenj bile e kanë kalu lumin Jordan edhe kanë shku në vendin e Gadit edhe t'Gileadit. Po Sauli hala u konë në Gilgal, edhe krejt ata që jonë konë me të po dridheshin pi frikës.
8 Aj ka pritë shtatë ditë, deri sa ka kalu koha që e kish caktu Samueli. Po Samueli s'ka ardhë në Gilgal, edhe burrat kanë nisë me ik pi Saulit n'krejt anët.
9 N'fund Sauli ka thanë: “Bjerma kurbanin që digjet krejt edhe kurbanet e bashkësisë.” Edhe aj e ka ofru kurbanin që digjet krejt.
10 Sapo Sauli e ka kry kurbanin që digjet krejt, ka ardhë Samueli. Sauli ka dalë me e taku për me e përshëndetë.
11 Samueli e ka vet: “Qka ke bo kështu?” Sauli i ka thanë: “E pashë që njerëzit po ikshin pi meje, e ti s'erdhe n'kohën që e kemi caktu. Edhe filistinët jonë mbledhë në Mikmash.
12 Atëherë thashë me veti: ‘Tash filistinët kanë me zhdryp në Gilgal për me na sulmu, e unë hala s'jom mundu me e fitu pëlqimin e Jehovait.’ Për qata, u detyrova me e ofru kurbanin që digjet krejt.”
13 Atëherë Samueli i ka thanë Saulit: “Ke bo nji budallaki t'madhe! Ti s'e ke ngu urdhnin e Jehovait, Zotit tand. Po ta kishe ngu urdhnin e tij, Jehovai kishte me ta forcu mbretnimin mbi Izraelin përgjithmonë.
14 Po tash mbretnimi yt s'ka me zgjatë. Jehovai ka me e gjetë nji burrë që i pëlqen zemrës së tij. Atë burrë Jehovai ka me e bo prijës t'popullit t'vet, se ti s'e ke ngu urdhnin e Jehovait.”
15 Masanej Samueli u nis edhe ka shku pi Gilgalit në Gibea, në vendin e fisit t'Beniaminit. Kur Sauli i ka numru burrat që i kish me veti, kishin metë veç rreth 600 burra.
16 Sauli, djali i tij Jonatani edhe burrat që kishin metë me ta, jonë konë në Geba, në vendin e fisit t'Beniaminit. Kurse filistinët e kishin ngritë kampin në Mikmash.
17 Pi kampit t'filistinëve kanë dalë tri grupe ushtarësh për me bo sulme. Grupi i parë e ka marrë rrugën kah Ofra, drejt vendit t'Shualit.
18 Grupi i dytë e ka marrë rrugën kah Beth-Horoni, kurse grupi i tretë e ka marrë rrugën kah kufiri përmbi luginën e Zeboimit, në drejtim t'shkretinës.
19 Në krejt Izraelin s'ka pasë asnji farkëtar, se filistinët kishin thanë: “Hebrenjtë s'bon me mujt me i bo vetes as shpata, as shtiza!”
20 Për qata, izraelitët u desht me shku te filistinët për me i mprehë parmendat, shatat, sakicat edhe drapnat e vet.
21 Me e mprehë nji parmendë, nji shat, nji sfurk me tri dhomë a nji sakicë, ose me e forcu nji shkop me majë për me i ngacmu qetë, ka kushtu nji pim.
22 Ditën e luftës, asnjani pi burrave t'Saulit edhe t'Jonatanit s'ka pasë as shpatë, as shtizë. T'vetmit që kanë pasë hala armë jonë konë Sauli edhe djali i tij Jonatani.
23 Ndërkohë, nji grup ushtarësh filistinë ka shku deri te kalimi i ngushtë mes shkambinjve në Mikmash.