Letra e parë e Samuelit 22
1 Davidi u largu pi aty edhe ka ik n'shpellën e Adulamit. Kur vllaznit e tij edhe krejt familja e babës së vet kanë marrë vesh për këtë sen, janë nisë me shku te aj.
2 Te Davidi janë mbledh edhe krejt ata që kanë pas telashe, që kanë pas borxhe a që u konë t'idhnum me jetën. Edhe aj u bo udhëheqësi i tyne. N'fund, rreth 400 burra janë mbledh rreth tij.
3 Ma vonë, Davidi ka shku pi aty n'Mizpe t'Moabit edhe i ka thanë mbretit t'Moabit: „T'lutna, lëri babën tem edhe nanën teme me nejt te ju, deri sa ta marr vesh qka ka me bo Zoti për mu.“
4 Kështu Davidi i ka lonë ata te mbreti i Moabit, edhe ata kanë nejt aty krejt kohën sa Davidi u konë n'fortesën e vet n'mal.
5 Nji ditë, profeti Gad i ka thanë Davidit: „Mos rri n'fortesën n'mal, po shko n'vendin e Judës.“ Atëherë Davidi u nis pi aty edhe ka shku n'pyllin e Herethit.
6 Kur Sauli ka marrë vesh që e kanë gjet vendin ku u konë Davidi edhe burrat e tij, aj u konë ulun n'Gibea, n'kodër, nën nji dru tamariske, me shtizën n'dorë. Krejt burrat e tij rrishin t'vendosun rreth tij.
7 Sauli ju ka thanë burrave që u konë rreth tij: „M'ngoni pak, ju benjaminas! A ka me ju dhonë djali i Isait krejtve ara edhe vneshta, qysh ju kom dhonë unë? A ka me ju bo aj krejtve kryetarë t'mijëra e t'qindrave?
8 Ju krejt jeni marrë vesh kundër meje! Asnjoni s'm'ka kallxu që djali jem ka lidh nji besë me djalin e Isait! Asnjonit pi juve s'i vjen gjynah për mu, as s'ma kallxon që djali jem e ka shty shërbëtorin tem me m'sulmu tinëz, qysh po ndodh tash.“
9 Atëherë Doegu, edomiti, që u konë aty si kryetar i burrave t'Saulit, ka thanë: „Unë e kom pa djalin e Isait kur ka ardh n'Nob te Ahimeleku, djali i Ahitubit.
10 Ahimeleku e ka vet Jehovain për to edhe i ka dhonë ushqim për rrugë. Bile ia ka dhonë edhe shpatën e filistinit Goliat.“
11 Menjiherë mbreti ka çu me e thirr priftin Ahimelek, djalin e Ahitubit, pi Nobi, bashkë me krejt priftat e familjes së babës së tij. Edhe ata krejt kanë ardh te mbreti.
12 Atëherë Sauli i ka thanë: „M'ngom pak, ti djali i Ahitubit!“ Aj ia ka kthy: „Qe ku jom, zotni jem.“
13 Sauli e ka vet: „Pse jeni marrë vesh kundër meje, ti edhe djali i Isait? Ti i ke dhonë bukë edhe shpatë, edhe e ke vet Zotin për to! E tash aj po m'del kundër edhe po m'pret tinëz me m'sulmu, qysh po shihet sot.“
14 Ahimeleku i ka thanë mbretit: „Po kush pi krejt shërbëtorëve tu asht aq besnik sa Davidi? Aj asht dhëndri i mbretit, udhëheqës i rojeve tua që të ruajnë jetën, edhe asht shumë i nderum n'shpinë tane.
15 S'asht hera e parë sot që e kom vet Zotin për to. As që m'shkon n'mend me bo atë që po thu ti! O mbret, mos na boni fajtorë, as mu e as krejt familjen e babës tem! Se unë, shërbëtori yt, s'kom ditë kurgjo për krejt këto sene, as senin ma t'vogël.“
16 Po mbreti i ka thanë: „Ti ki me vdek, Ahimelek, bashkë me krejt familjen e babës tand!“
17 Atëherë mbreti ju ka dhonë urdhën rojeve që rrishin rreth tij: „Hajde, vritni priftat e Jehovait, se ata e kanë marrë anën e Davidit! E kanë ditë që aj po ik, edhe s'm'kanë kallxu!“ Po burrat e mbretit s'kanë pranu me e çu dorën kundër priftave t'Jehovait e me i sulmu.
18 Atëherë mbreti i ka thanë Doegut: „Hajde, ti sulmoji priftat!“ Edhe Doegu, edomiti, ka shku menjiherë te priftat, i ka sulmu edhe qat ditë i ka vra 85 burra që mbanin efod pi pëlhure liri.
19 Aj e ka sulmu me shpatë edhe Nobin, qytetin e priftave. Me shpatë i ka vra burrat edhe gratë, fëmijët edhe foshnjat, demat, gomarët edhe dhentë.
20 Veç nji djalë i Ahimelekut, djalit t'Ahitubit, ka mujt me shpëtu. Aj e ka pas emrin Abiathar edhe ka ik te Davidi për me u bashku me to.
21 Abiathari i ka kallxu Davidit: „Sauli i ka vra priftat e Jehovait!“
22 Atëherë Davidi i ka thanë Abiatharit: „Qat ditë kur e kom pa Doegun, edomitin, aty, e kom ditë që aj ka me ia kallxu krejt Saulit. Për vdekjen e secilit pi familjes së babës tand, fajin e kom unë vet.
23 Rri me mu! Mos u tut, se kush po don me ta marrë jetën ty, po don me ma marrë jetën edhe mu. Te unë je i mbrojtun.“