Letra e parë e Shembujve 20
1 Në fillim të vitit, në kohën kur mbretat dalin në luftë, Joabi e ka udhëheqë ushtrinë kundër amonitëve edhe ua ka shkretu vendin. Derisa Davidi ka nejtë në Jerusalem, Joabi e ka rrethu Rabën, e ka sulmu qytetin edhe e ka shkatërru.
2 Masanej Davidi ia ka marrë kurorën Malkamit pi kryt, edhe atë kurorë ia kanë vnu Davidit në krye. Davidi e ka pa që ajo u konë e punume pi nji talent ari edhe kishte gurë të çmueshëm në të. Përveç kësaj, Davidi ka marrë shumë plaçkë pi qyteti.
3 Banorët e qytetit i ka marrë me veti edhe i ka shti me pre gurë me sharrë, edhe me punu me vegla të mprehta pi hekuri e me sakica. Qashtu ka vepru Davidi me krejt qytetet e amonitëve. Në fund, aj është kthy me krejt ushtrinë në Jerusalem.
4 Mas kësaj, ka nisë nji luftë kundër filistinëve afër Geserit. Në atë luftë, Sibekai, hushatiti, e ka vra Sipain, njonin pi pasardhësve të Refaimit. Në fund, filistinët jonë nënshtru.
5 Edhe nji herë ka nisë lufta kundër filistinëve, edhe Elhanani, djali i Jairit, e ka vra Lahmin, vllaun e Goliatit pi Gati. Shtiza e Goliatit u konë aq e trashë sa trau i tezgjahut.
6 Edhe nji herë ka nisë lufta në Gat. Aty u konë nji burrë shumë i madh, që në secilën dorë i kishte nga 6 gishta edhe në secilën kambë nga 6 gishta, gjithsej 24 gishta. Edhe aj u konë nji pasardhës i Refaimit.
7 Aj vazhdimisht tallej me Izraelin. Atëherë Jonatani, djali i Shimeas, vllaut të Davidit, e ka vra.
8 Kta jonë konë pasardhësit e Refaimit në Gat. Ata jonë vra pi Davidi edhe njerëzit e tij.