Letra e parë e Shembujve 27
1 Qeky asht numri i izraelitëve, i kryetarëve të familjeve të mëdhaja, i kryetarëve të mijësheve edhe qindësheve, edhe i zyrtarëve të tyne, që i shërbejshin mbretit për krejt punët e grupeve që hynin e dilnin në shërbim çdo muj, gjatë krejt vitit. Secili grup i ka pasë 24 000 burra.
2 Grupi i parë, për mujin e parë, u konë nën drejtimin e Jashobeamit, djalit të Zabdielit. Grupi i tij i ka pasë 24 000 burra.
3 Pi djemve të Perezit, aj u konë kryetari i krejt kryetarëve të grupeve që u caktun me shërby në mujin e parë.
4 Grupi i dytë, për mujin e dytë, u konë nën drejtimin e Dodait, ahohitit, bashkë me grupin e tij, kurse Miklothi u konë udhëheqësi. Grupi i tij i ka pasë 24 000 burra.
5 Kryetari i grupit të tretë, që u caktu me shërby në mujin e tretë, u konë Benaja, djali i kryepriftit Jehojada. Grupi i tij i ka pasë 24 000 burra.
6 Ky Benaja u konë nji luftëtar i fortë në mesin e Tridhjetëve edhe u konë përgjegjës për ta. Grupi i tij u konë nën drejtimin e djalit të vet, Amisabadit.
7 I katërti, për mujin e katërt, u konë Asaheli, vllau i Joabit, e mas tij djali i vet Zebadja. Grupi i tij i ka pasë 24 000 burra.
8 Kryetari i pestë, për mujin e pestë, u konë Shamhuthi, jizrahiti. Grupi i tij i ka pasë 24 000 burra.
9 I gjashti, për mujin e gjashtë, u konë Ira, djali i Ikeshit, tekoitit. Grupi i tij i ka pasë 24 000 burra.
10 I shtati, për mujin e shtatë, u konë Helezi, peloniti, pi efraimitëve. Grupi i tij i ka pasë 24 000 burra.
11 I teti, për mujin e tetë, u konë Sibekai, hushathiti, pi zerahitëve. Grupi i tij i ka pasë 24 000 burra.
12 I nandi, për mujin e nandë, u konë Abiezeri, anathothiti, pi benjaminitëve. Grupi i tij i ka pasë 24 000 burra.
13 I dhjeti, për mujin e dhjetë, u konë Maharai, netofathiti, pi zerahitëve. Grupi i tij i ka pasë 24 000 burra.
14 I njimëdhjeti, për mujin e njimëdhjetë, u konë Benaja, pirathoniti, pi djemve të Efraimit. Grupi i tij i ka pasë 24 000 burra.
15 I dymëdhjeti, për mujin e dymëdhjetë, u konë Heldai, netofathiti, që rridhke pi Othnielit. Grupi i tij i ka pasë 24 000 burra.
16 Qekta jonë kryetarët e fiseve të Izraelit. Te rubenitët, udhëheqësi u konë Eliezeri, djali i Zikrit. Te simeonitët u konë Shefatja, djali i Maakës.
17 Te fisi i Levit u konë Hashabja, djali i Kemuelit. Te pasardhësit e Aaronit u konë Zadoku.
18 Te fisi i Judës u konë Elihu, nji vlla i Davidit. Te fisi i Isakarit u konë Omri, djali i Mikaelit.
19 Te fisi i Zebulonit u konë Jishmaja, djali i Obadjës. Te fisi i Naftalit u konë Jeremothi, djali i Azrielit.
20 Te efraimitët u konë Hosea, djali i Azazjës. Te gjysma e fisit të Manaseut u konë Joeli, djali i Pedajës.
21 Te gjysma e fisit të Manaseut në Gilead u konë Ido, djali i Zakarjës. Te fisi i Benjaminit u konë Jaasieli, djali i Abnerit.
22 Te fisi i Danit u konë Azareli, djali i Jerohamit. Qekta jonë konë kryetarët e fiseve të Izraelit.
23 Davidi s'i ka numru burrat që i kishin 20 vjet e ma pak, se Jehova kish premtu që ka me e bo Izraelin aq të shumtë sa yjet në qiell.
24 Joabi, djali i Zerujës, e ka nis numrimin, po s'e ka kry. Për shkak të kësaj pune, Zoti u zemru me Izraelin, edhe numri s'u shënu në kronikën e mbretit David.
25 Azmavethi, djali i Adielit, u konë përgjegjës për dhomat e thesarit të mbretit, kurse Jonathani, djali i Uzias, për depot e rezervave nëpër fshatra, qytete, katunde edhe kulla.
26 Për punëtorët e arave që e punojshin tokën u konë përgjegjës Ezri, djali i Kelubit.
27 Për vreshtat u konë përgjegjës Shimei, ramathiti, kurse për rrushin e vjelun edhe rezervat e venës u konë përgjegjës Zabdi, shifmiti.
28 Baal-Hanani, gederiti, u konë përgjegjës për ullishtat edhe drunjtë e fiqve të egër në Shefela. Për rezervat e vajit u konë përgjegjës Joashi.
29 Shitrai, sharoniti, u konë përgjegjës për lopët në Sharon, kurse Shafati, djali i Adlait, për lopët në fushat e luginave.
30 Obili, ismaeliti, u konë përgjegjës për devetë, kurse Jehdeja, meronothiti, për gomarët.
31 Për delet edhe dhitë u konë përgjegjës Jazizi, hagriti. Qekta jonë konë kryetarët që kujdesshin për pasuninë e mbretit David.
32 Jonathani, djali i vllaut të Davidit, u konë këshilltar edhe shkrues, nji njeri me mend. Jehieli, djali i Hakmonit, kujdesej për djemtë e mbretit.
33 Ahithofeli u konë këshilltar i mbretit, kurse Hushai, arkiti, u konë shoku i mbretit.
34 Mas Ahithofelit kanë ardh Jehojada, djali i Benajës, edhe Abiathari. Kryetari i ushtrisë së mbretit u konë Joabi.