Letra i dytë te Timoteut 1
genau, wie viele Dienste er in Ẹphesus geleistet hat.
Nachgedacht für einige wenige Sekunden
1 Pavli, apostull i Krishtit Jezus simas vullnetit të Zotit edhe në pajtim me premtimin për jetën që vjen përmes Krishtit Jezus, 2 Timoteut, fmisë tem të dashtun:
Të uroj mirësi të pameritume, dhimt edhe paqe pi Zoti, Ati, edhe pi Krishti Jezus, Zotnia jonë.
3 I jom falënderues Zotit, të cilit i baj shërbim të shenjtë me ndërgjegje të pastër, qysh edhe të parët e mi, edhe vazhdimisht të kujtoj në përgjërimet e mia ditë e natë. 4 Kur i kujtoj lotët e tu, kam mall me të pa, që me u mbushë plot gëzim. 5 Sepse po më kujtohet besimi yt jo dyftyrësh, që ma herët e kishin gjyshja jote Loida edhe nana jote Eunike, edhe jom i sigurt që asht edhe në ty.
6 Për këtë arsye po ta kujtoj që dhuratën e Zotit, që e more kur t’i vnova duert, ta ndezësh prapë si zjarr. 7 Sepse Zoti nuk na ka dhanë frymë frike, po frymë fuqie, dashnie edhe mendjeje të shëndoshë. 8 Prandaj mos ki marre që je dëshmitar i Zotnisë tonë, as për mu që jom i burgosun për shkak të tij. Përkundrazi, merre pjesën tande në vuajtjet për lajmin e mirë, duke u mbështetë në fuqinë e Zotit. 9 Aj na ka shpëtu edhe na ka thirrë me nji thirrje të shenjtë, jo për shkak të veprave tona, po sepse ky ishte vullneti i tij edhe për shkak të mirësisë së pameritume. Kjo na u dha në lidhje me Krishtin Jezus qysh moti, 10 po tash asht bo qartë e dukshme përmes shfaqjes së Shpëtimtarit tonë, Krishtit Jezus, që e ka hjekë vdekjen edhe përmes lajmit të mirë ka qitë dritë mbi jetën edhe paprishshmërinë. 11 Për këtë mesazh jom caktu predikues, apostull edhe mësues.
12 Për këtë arsye po i vuaj edhe krejt këto, po nuk kam marre. Sepse e njoh Atë që i kam besu, edhe jom i sigurt që aj mundet me e rujtë atë që ja kam besu deri në atë ditë. 13 Vazhdo me u mbajtë te modeli i fjalëve të shëndosha që i ke ni pi unë, me besimin edhe dashninë që vijnë pi lidhja me Krishtin Jezus. 14 Ruaje këtë pasuni të çmueshme që t’u besu, me ndihmën e frymës së shenjtë që banon në neve.
15 Ti e din që krejt ata në provincën e Azisë janë largu pi unë, edhe Figeli e Hermogjeni. 16 Zotnia i dhantë dhimt shpisë së Onesiforit, sepse aj shpesh më ka forcu edhe nuk ka pasë marre që jom në zinxhirë. 17 Përkundrazi, kur ishte në Romë, më kërkoi gjatë derisa më gjeti. 18 Zotnia e baftë që aj të gjejë dhimt te Jehovaj në atë ditë. Edhe ti e din shumë mirë sa shumë shërbime ka kry në Efes.