Libri i dytë i Musës 37
1 Bezaleli e ka ba arkën e besëlidhjes pi drunit t'akacies. Ajo u konë dy kut e gjysë e gjatë, nji kut e gjysë e gjanë edhe nji kut e gjysë e naltë.
2 E ka veshë me ar t'pastër mrena e jashtë, edhe ia ka ba nji buzë t'artë përreth.
3 Masanej i ka derdhë katër unaza pi ari edhe i ka ngjitë te katër kambët e arkës: dy unaza n'njanën anë edhe dy n'anën tjetër.
4 Mandej i ka ba shufrat pi drunit t'akacies edhe i ka veshë me ar.
5 Shufrat i ka futë nëpër unazat anash arkës, për me mujtë me e bartë.
6 Kapakun e ka ba pi ari t'pastër. Aj u konë dy kut e gjysë i gjatë edhe nji kut e gjysë i gjanë.
7 Masanej i ka ba dy kerubinë pi ari t'rrahun, nga nji në secilin skaj t'kapakut.
8 Nji kerubin u konë n'njanin skaj, e tjetri n'skajin tjetër. Të dy kerubinët i ka ba në skajet e kapakut.
9 Krahët e dy kerubinëve jonë konë t'hapun përpjetë edhe e mbulojshin kapakun pi nalt. Kerubinët jonë konë t'kthyem kah njani-tjetri, edhe fytyrat i kishin t'kthyme kah kapaku.
10 Mandej e ka ba tavolinën pi drunit t'akacies. Ajo u konë dy kut e gjatë, nji kut e gjanë edhe nji kut e gjysë e naltë.
11 E ka veshë me ar t'pastër edhe ia ka ba nji buzë t'artë përreth.
12 Masanej ia ka ba nji kornizë sa nji pëllambë t'gjanë, edhe përreth kornizës ia ka ba nji buzë pi ari.
13 I ka derdhë edhe katër unaza pi ari edhe i ka vendosë te katër qoshet, afër katër kambëve.
14 Unazat jonë konë afër kornizës, për me i mbajtë shufrat me t'cilat u bartke tavolina.
15 Mandej i ka ba shufrat për me e bartë tavolinën, pi drunit t'akacies, edhe i ka veshë me ar.
16 Masanej i ka ba pi ari t'pastër krejt sendet që i duheshin tavolinës: tasat, gotat, enët edhe ibrikët për me i derdhë kurbanet e pijes.
17 E ka ba shandanin pi ari t'pastër t'rrahun. Baza, trungu, kupat e luleve, sythat edhe lulet, krejt jonë konë t'bame pi nji cope t'vetme.
18 Pi trungut t'shandanit dilshin gjashtë degë, tri n'njanën anë edhe tri n'anën tjetër.
19 Në secilën degë, n' të dy anët, jonë konë nga tri kupa n'formë t'lules t'bajames, që ndërroheshin me sytha e lule. Qashtu dilshin gjashtë degët pi trungut t'shandanit.
20 Në trungun e shandanit jonë konë katër kupa n'formë t'lules t'bajames, me sytha e lule që ndërroheshin njana mas tjetrës.
21 Nji syth u konë poshtë dy degëve t'para që dilshin anash pi trungut, nji tjetër poshtë dy degëve t'radhës, edhe nji tjetër poshtë dy degëve t'fundit. Qashtu u konë te krejt gjashtë degët që dilshin pi trungut t'shandanit.
22 Sythat, degët edhe krejt shandani jonë konë t'bame pi nji cope t'vetme ari t'pastër t'rrahun.
23 Mandej i ka ba shtatë llambat e tij, darët për fitila edhe enët për zjarr, krejt pi ari t'pastër.
24 Shandanin edhe krejt sendet që i takojshin i ka ba pi nji talent ari t'pastër.
25 Masanej e ka ba altarin për temjan pi drunit t'akacies. Aj u konë katror, nji kut i gjatë, nji kut i gjanë edhe dy kut i naltë. Brinat e tij jonë konë t'bame bashkë me altarin, pi e njejta copë.
26 E ka veshë me ar t'pastër përmi edhe n'krejt anët, edhe brinat po ashtu. Përreth ia ka ba nji buzë t'artë.
27 Poshtë buzës, në dy anët që jonë konë përballë njana-tjetrës, i ka vendosë nga dy unaza pi ari, për me i mbajtë shufrat e bartjes.
28 Shufrat i ka ba pi drunit t'akacies edhe i ka veshë me ar.
29 E ka përgatitë edhe vajin e shenjtë për me ly, edhe temjanin e pastër me erë t'mirë, si nji përzierje t'bame me mjeshtri.