Libri i katërt i Musës 2
1 Jehovai i ka thanë Moisiut edhe Aaronit:
2 “Izraelitët kanë me i ngulë çadrat n'vendin që u asht caktu për grupin e tyne me tri fise, secili te flamuri i familjes së vet të madhe. Kanë me i ngulë çadrat rreth e rrotull tendës së takimit, me e pasë atë përballë.
3 N'anën e lindjes, kah lind dielli, grupi me tri fise i kampit t'Judës ka me i ngulë çadrat, t'rradhitun sipas grupeve të veta. Prijësi i bijve t'Judës asht Nahshoni, djali i Aminadabit.
4 N'ushtrinë e tij jonë t'regjistrum 74 600 veta.
5 Ngat tyne ka me i ngulë çadrat fisi i Isakarit. Prijësi i bijve t'Isakarit asht Netaneli, djali i Zuarit.
6 N'ushtrinë e tij jonë t'regjistrum 54 400 veta.
7 Mas tyne vjen fisi i Zebulonit. Prijësi i bijve t'Zebulonit asht Eliabi, djali i Helonit.
8 N'ushtrinë e tij jonë t'regjistrum 57 400 veta.
9 Gjithsej, n'ushtritë e kampit t'Judës jonë t'regjistrum 186 400 veta. Ata kanë me u nisë të parët.
10 Grupi me tri fise i kampit t'Rubenit ka me u vendosë n'jug, i radhitun sipas grupeve të veta. Prijësi i bijve t'Rubenit asht Elizuri, djali i Shedeurit.
11 N'ushtrinë e tij jonë t'regjistrum 46 500 veta.
12 Ngat tyne ka me i ngulë çadrat fisi i Simeonit. Prijësi i bijve t'Simeonit asht Shelumieli, djali i Zurishadait.
13 N'ushtrinë e tij jonë t'regjistrum 59 300 veta.
14 Mas tyne vjen fisi i Gadit. Prijësi i bijve t'Gadit asht Eliasafi, djali i Reuelit.
15 N'ushtrinë e tij jonë t'regjistrum 45 650 veta.
16 Gjithsej, n'ushtritë e kampit t'Rubenit jonë t'regjistrum 151 450 veta. Ata kanë me u nisë të dytët.
17 Kur tenda e takimit ka me u bartë n'vend tjetër, kampi i levitëve ka me konë n'mes të kampeve tjera.
Edhe gjatë rrugës kanë me e majtë të njejtin rend si kur i ngulin çadrat, secili n'vendin e vet, sipas grupeve me tri fise.
18 Grupi me tri fise i kampit t'Efraimit ka me u vendosë n'perëndim, i radhitun sipas grupeve të veta. Prijësi i bijve t'Efraimit asht Elishama, djali i Amihudit.
19 N'ushtrinë e tij jonë t'regjistrum 40 500 veta.
20 Ngat tyne ka me i ngulë çadrat fisi i Manaseut. Prijësi i bijve t'Manaseut asht Gamalieli, djali i Pedazurit.
21 N'ushtrinë e tij jonë t'regjistrum 32 200 veta.
22 Mas tyne vjen fisi i Benjaminit. Prijësi i bijve t'Benjaminit asht Abidani, djali i Gideonit.
23 N'ushtrinë e tij jonë t'regjistrum 35 400 veta.
24 Gjithsej, n'ushtritë e kampit t'Efraimit jonë t'regjistrum 108 100 veta. Ata kanë me u nisë të tretët.
25 Grupi me tri fise i kampit t'Danit ka me u vendosë n'veri, i radhitun sipas grupeve të veta. Prijësi i bijve t'Danit asht Ahiezeri, djali i Amishadait.
26 N'ushtrinë e tij jonë t'regjistrum 62 700 veta.
27 Ngat tyne ka me i ngulë çadrat fisi i Asherit. Prijësi i bijve t'Asherit asht Pagieli, djali i Okranit.
28 N'ushtrinë e tij jonë t'regjistrum 41 500 veta.
29 Mas tyne vjen fisi i Neftalit. Prijësi i bijve t'Neftalit asht Ahira, djali i Enanit.
30 N'ushtrinë e tij jonë t'regjistrum 53 400 veta.
31 Gjithsej, n'kampin e Danit jonë t'regjistrum 157 600 veta. Ata kanë me u nisë të fundit prej grupeve me tri fise.”
32 Këta jonë izraelitët që u regjistrun sipas familjeve të tyne të mëdha. Gjithsej, nëpër kampe jonë regjistru 603 550 veta për ushtri.
33 Po levitët s'jonë regjistru bashkë me izraelitët tjerë, tamam qysh Jehovai e ka urdhnu Moisiun.
34 Izraelitët e kanë bo krejt qka Jehovai i ka thanë Moisiut. Qashtu i kanë ngulë çadrat sipas grupeve me tri fise, edhe qashtu i kanë mbledhë çadrat kur jonë nisë, secili me familjen e vet, sipas familjeve të mëdha.