Libri i katërt i Musës 30
1 Masanej Musa ju tha kryetarëve të fiseve të Izraelit: “Jehovai e ka dhanë këtë urdhër:
2 Nëse nji burrë bon nji zotim para Jehovait, a betohet që ka me hjek dorë pi diçkaje, aj s'guxon me e thy fjalën e vet. Duhet me e bo krejt qka ka premtu.
3 Nëse nji vajzë e re, që hala jeton në shpinë e babës së vet, bon nji zotim para Jehovait a zotohet me hjek dorë pi diçkaje,
4 edhe baba i saj e nin zotimin që e ka bo a zotimin me hjek dorë pi diçkaje, po s'thotë kurgjo kundër, atëherë krejt zotimet e saj kanë me vlejt, edhe ato që i ka bo për me hjek dorë pi diçkaje.
5 Po nëse baba i saj merr vesh për zotimet që i ka bo a për zotimet me hjek dorë pi diçkaje, edhe ia ndalon me i majt, atëherë ato s'kanë me vlejt. Jehovai ka me ia falë, se baba i saj ia ka ndalu.
6 Po nëse ajo martohet derisa hala asht e lidhun me nji zotim a me nji premtim që e ka bo pa menu mirë,
7 edhe burri i saj e nin këtë, po atë ditë s'thotë kurgjo kundër, atëherë zotimet e saj a zotimet me hjek dorë pi diçkaje kanë me vlejt.
8 Po nëse burri i saj ia ndalon atë ditë që merr vesh për to, aj ia prish zotimin a premtimin që e ka bo pa menu mirë, edhe Jehovai ka me ia falë.
9 Po nëse nji vejushë a nji grue e ndame pi burri bon nji zotim, ajo duhet me e majt krejt qka ka marrë përsipër me atë zotim.
10 Nëse nji grue, sa asht në shpinë e burrit të vet, bon nji zotim a zotohet me hjek dorë pi diçkaje,
11 edhe burri i saj e nin, po s'ka kurgjo kundër edhe nuk ankohet, atëherë krejt zotimet e saj a zotimet me hjek dorë pi diçkaje kanë me vlejt.
12 Po nëse burri i saj, atë ditë që i nin, ia prish krejt zotimet a zotimet me hjek dorë pi diçkaje që i ka bo, atëherë ato s'kanë me vlejt ma. Burri i saj ia ka prish, edhe Jehovai ka me ia falë.
13 Çdo zotim a betim që e bon gruaja për me hjek dorë pi diçkaje, burri i saj duhet ose me ia pranu, ose me ia prish.
14 Po nëse burri i saj nuk thotë kurgjo kundër as gjatë ditëve që vijnë masanej, atëherë aj i ka pranu krejt zotimet e saj a zotimet me hjek dorë pi diçkaje. I ka pranu ato, se atë ditë kur ka ni që ajo i ka bo, s'ka thanë kurgjo kundër.
15 Po nëse aj ia prish zotimet ma vonë, pra mas nji kohe pi dita kur ka marrë vesh për to, atëherë aj ka me i bart pasojat e fajit të grusë së vet.
16 Këto jonë rregullat që Jehovai ia ka dhanë Musës për burrin edhe grun e tij, a për babën edhe vajzën e tij të re, që hala jeton në shpinë e tij.”