Libri i parë i Musës 39
1 Josephin e kanë çu n'Egjipt. Atje, nji egjiptian me emnin Pọtiphar, që u konë zyrtar i oborrit t'faraonit edhe kryetar i truprojave, e ka ble Josephin pi ismaelitëve që e kanë pru aty.
2 Po Jehova i ka nejtë afër Josephit, kështu që krejt punët i kanë shku mirë, edhe ia kanë lanë n'dorë me u kujdesë për shpinë e zotnisë t'vet egjiptian.
3 Zotnia i tij e ka pa që Jehova u konë me Josephin edhe që Jehova ia ka ba me i ecë mbarë krejt punët që i ka marrë n'dorë.
4 Pọtiphari e ka dashtë Josephin gjithnjë e ma shumë edhe e ka ba shërbëtorin e vet personal. E ka caktu me u kujdesë për krejt shpinë e tij edhe ia ka lanë n'dorë krejt pasuninë që e ka pasë.
5 Pi asaj kohe, Jehova e ka beku shpinë e egjiptianit për shkak t'Josephit. Ma n'fund, bekimi i Jehovës u konë mbi krejt çka ka pasë aj, si n'shpi, ashtu edhe n'arë.
6 Pọtiphari ia ka lanë Josephit n'dorë krejt çka ka pasë edhe s'asht marrë ma me kurgjo, përveç me ushqimin e vet. E Josephi u rrit e u ba nji burrë i fortë edhe i pashëm.
7 Mbas nji kohe, gruaja e zotnisë t'vet ia ka vu synin Josephit edhe i ka thanë: “Flej me mu.”
8 Po aj s'ka pranu edhe i ka thanë grusë t'zotnisë t'vet: “Zotnia jem s'merret me kurgjo n'shpi, se krejt m'i ka lanë mu n'dorë. Aj m'i ka besu krejt çka ka.
9 N'këtë shpi, kërkush s'asht mbi mu, edhe aj s'ma ka ndalu kurgjo tjetër përveç teje, se ti je gruaja e tij. Qysh muj unë me ba nji t'keqe kaq t'madhe edhe me mëkatu kundër Zotit?”
10 Ajo i ka folë Josephit ditë për ditë, po aj s'ka pranu kurrë me flejtë me to, as me nejtë me to.
11 Po nji ditë, kur aj ka hy n'shpi me i kry punët e veta, asnji pi shërbëtorëve s'u konë n'shpi.
12 Atëherë ajo e ka kapë për petku edhe i ka thanë: “Flej me mu!” Po aj ia ka lanë petkun n'dorë edhe ka ikë jashtë.
13 Kur ajo e ka pa që aj ia ka lanë petkun edhe ka ikë jashtë,
14 ka nisë me i thirrë shërbëtorët e vet me za t'naltë: “Kqyrni! Ky hebreu që na e ka pru, po na ban për hajgare. Ka ardhë te unë edhe ka dashtë me flejtë me mu, po unë kom bërtitë sa kom mujtë.
15 Kur m'ka ni tuj bërtitë, e ka lanë petkun afër meje edhe ka ikë jashtë.”
16 Ajo e ka lanë petkun afër vetes, derisa zotnia i tij u kthy n'shpi.
17 Mandej ajo ia ka kallxu edhe atij t'njejtën histori. I ka thanë: “Ai shërbëtori hebre që na e ke pru, ka ardhë te unë me m'ba për hajgare.
18 Po sapo kom nisë me bërtitë, aj e ka lanë petkun afër meje edhe ka ikë jashtë.”
19 Kur zotnia i Josephit i ka ni fjalët që ia ka thanë gruaja e vet: “Qekjo asht ajo që ma ka ba shërbëtori yt”, aj u nervozu shumë.
20 Ka urdhnu me e kapë Josephin edhe me e çu n'burg, aty ku i kanë majtë t'burgosunit e mbretit. Edhe Josephi ka mbetë aty.
21 Po Jehova ka vazhdu me i nejtë afër Josephit edhe me i tregu dashni besnike. Jehova ka ba që Josephi me ia fitu zemrën kryetarit t'burgut.
22 Kryetari i burgut ia ka lanë Josephit n'dorë me u kujdesë për krejt t'burgosunit n'burg. Edhe krejt çka kanë ba ata aty, e kanë ba me urdhën t'Josephit.
23 Kryetari i burgut s'asht marrë hiq me punët që ia ka lanë Josephit n'dorë, se Jehova i ka nejtë afër Josephit edhe ia ka ba me i ecë mbarë krejt punët që i ka ba.