Psalmi 47
1 Përplasni duart, krejt ju popuj.
Brohoritni Zotit me gëzim për fitore.
2 Se Jehovai, ma i Nalti, asht aj që të shtin respekt e frikë.
Aj asht Mbreti i madh mbi krejt tokën.
3 Aj i nënshtron popujt për neve.
Kombet i qet nën kambët tona.
4 Aj e zgjedh trashëgiminë tonë për neve, krenarinë e Jakobit që e don shumë.
Sela
5 Zoti ka hyp nalt mes brohoritjeve, po, Jehovai
ka hyp nalt me tinguj të brinave.
6 Këndoni kangë për Zotin, këndoni lavde.
Këndoni kangë për Mbretin tonë, këndoni lavde.
7 Se Zoti asht Mbret i krejt tokës.
Këndoni kangë lavdi edhe tregoni mençuri.
8 Zoti asht ba Mbret mbi popujt.
Zoti asht ulë n'fronin e vet të shenjtë.
9 Prijësit e popujve jonë mbledhë bashkë
me popullin e Zotit të Abrahamit.
Se sundimtarët e tokës i përkasin
Zotit. Aj asht shumë i naltësu.